Wednesday, Jan 29 2020 | Time 01:48 Hrs(IST)
  • ಬತ್ತ, ತೊಗರಿಗೆ ಬೆಂಬಲ ಬೆಲೆ ಸಹಿತ ಪ್ರೋತ್ಸಾಹ ಧನ ಘೋಷಣೆ
  • ನಾನು ಸನ್ಯಾಸಿ ಅಲ್ಲ, ನನಗೂ ಸಹಜವಾಗಿ ರಾಜಕೀಯ ಅಪೇಕ್ಷೆಗಳಿವೆ: ಡಿಸಿಎಂ ಲಕ್ಷ್ಮಣ್ ಸವದಿ
Special Share

ಅರುಣಾಚಲ ಪ್ರದೇಶ: ಪರಶುರಾಮಕುಂಡ ಮೇಳಕ್ಕೆ ಸಿದ್ಧತೆ

ಇಟಾನಗರ, ಡಿ ೦೬ (ಯುಎನ್‌ಐ) ಅರುಣಾಚಲ ಪ್ರದೇಶದಲ್ಲಿ ಪರಶುರಾi ಕುಂಡ ಮೇಳ-೨೦೨೦ಕ್ಕೆ ಭರದ ಸಿದ್ಧತೆಯಾಗುತ್ತಿದ್ದು, ಉಪಮುಖ್ಯಮಂತ್ರಿ ಚೌನಾ ಮೇ ಶುಕ್ರವಾರ ಲೋಹಿತ್ ಜಿಲ್ಲಾಡಳಿತ ಮತ್ತು ವಿವಿಧ ಪಾಲುದಾರರೊಂದಿಗೆ ಸಭೆ ನಡೆಸಿದರು ಮೇಳದ ಪೂರ್ವಸಿದ್ಧತಾ ಚಟುವಟಿಕೆಗಳನ್ನು ಪರಿಶೀಲಿಸಿದ್ದಾರೆ.
ಪ್ರತಿ ವರ್ಷ ಜನವರಿ ೧೪ ರಂದು ಮಕರ ಸಂಕ್ರಾಂತಿಯ ಸಂದರ್ಭದಲ್ಲಿ ಈ ಮೇಳವನ್ನು ನಡೆಸಲಾಗುತ್ತದೆ.
ಮೇಳದ ಆಚರಣೆಗೆ ಹೊಸ ನೋಟವನ್ನು ನೀಡುವಂತೆ ಕರೆ ನೀಡಿದ ಉಪ ಮುಖ್ಯಮಂತ್ರಿ, ಇದನ್ನು ಯಶಸ್ವಿಯಾಗಿ ನಡೆಸಲು ಎಲ್ಲಾ ಮಧ್ಯಸ್ಥಗಾರರಿಂದ ಸಹಕಾರ ಮತ್ತು ಸಮನ್ವಯವನ್ನು ಕೋರಿದ್ದಾರೆ.
ಪ್ರತಿವರ್ಷ ನಡೆಯುವ ಪರಶುರಾಮ ಕುಂಡ ಮೇಳದಲ್ಲಿ ಸಹಸ್ರಾರು ಜನರು ಭಾಗವಹಿಸುತ್ತಾರೆ.
ಮಹಾವಿಷ್ಣುವಿನ ಆರನೇ ಅವತಾರ ಎನಿಸಿರುವ ಪರಶುರಾಮರು ತಂದೆಯ ಆಣತಿಯಂತೆ ಕೊಡಲಿಯಿಂದ ತಾಯಿ ರೇಣುಕಾದೇವಿಯ ಶಿರಚ್ಛೇದನ ಮಾಡುತ್ತಾರೆ. ಆನಂತರ ತಂದೆಯಿಂದ ವರ ಪಡೆದು ತಾಯಿಯನ್ನು ಬದುಕಿಸಿಕೊಳ್ಳುತ್ತಾರಾದೂ, ಕೈಗಂಟಿದ್ದ ಕೊಡಲಿ ಬಿಡುವುದಿಲ್ಲ
ಕೊನೆಗೆ ಅನೇಕ ಋಷಿಗಳ ಸಲಹೆಯಂತೆ ಅರುಣಾಚಲ ಪ್ರದೇಶದ ಲೋಹಿತ್ ನದಿಯಲ್ಲಿ ಮಕರ ಸಂಕ್ರಾಂತಿಯಂದು ಪುಣ್ಯಸ್ನಾನ ಮಾಡಿದಾಗ ಕೊಡಲಿ ಅವರ ಕೈಯನ್ನು ಬಿಡುತ್ತದೆ ಎಂಬ ಪ್ರತೀತಿ ಇದೆ.
ಹೀಗಾಗಿ ಪರಶುರಾಮರು ತಮ್ಮ ಪಾಪವನ್ನು ತೊಳೆದುಕೊಂಡ ಜಾಗವನ್ನು ಪರಶುರಾಮ ಕುಂಡವೆಂದು ಗುರುತಿಸಿ ಮೇಳ ನಡೆಸುವ ಸಂಪ್ರದಾಯ ರೂಢಿಯಲ್ಲಿದೆ.
ಯುಎನ್‌ಐ ಎಸ್‌ಎ ವಿಎನ್ ೧೯೧೯