Friday, Oct 30 2020 | Time 07:51 Hrs(IST)
Sports Share

ಅಂಪೈರ್ ಶಾರ್ಟ್ ರನ್‌ ನಿಡಿದ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ ವಿರೇಂದ್ರ ಸಹ್ವಾಗ್‌

ಅಂಪೈರ್ ಶಾರ್ಟ್ ರನ್‌ ನಿಡಿದ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ ವಿರೇಂದ್ರ ಸಹ್ವಾಗ್‌
ಅಂಪೈರ್ ಶಾರ್ಟ್ ರನ್‌ ನಿಡಿದ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ ವಿರೇಂದ್ರ ಸಹ್ವಾಗ್‌

ನವದೆಹಲಿ, ಸೆ 21 (ಯುಎನ್‌ಐ) ಐಸಿಸಿ ಎಲೈಟ್‌ ಪ್ಯಾನೆಲ್‌ ಹೊಸದಾಗಿ ಪ್ರವೇಶಿಸಿದ ನಿತಿನ್‌ ಮೆನನ್‌ ನೀಡಿದ ಒಂದೇ ಒಂದು ತೀರ್ಪು, ಡೆಲ್ಲಿ ಕ್ಯಾಪಿಟಲ್ಸ್‌ ವಿರುದ್ಧದ ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ತಂಡದ 2020ರ ಐಪಿಎಲ್‌ನ ಮೊದಲನೇ ಪಂದ್ಯದ ಫಲಿತಾಂಶದ ನಿರ್ಧಾರಕ್ಕಾಗಿ ಸೂಪರ್‌ ಓವರ್‌ ಮೊರೆ ಹೋಗಬೇಕಾಯಿತು.

ಎರಡೂ ತಂಡಗಳು ನಿಗದಿತ 20 ಓವರ್‌ಗಳಿಗೆ ಎಂಟು ವಿಕೆಟ್‌ಗಳನ್ನು ಕಳೆದುಕೊಂಡು 157 ರನ್‌ಗಳಿಗೆ ಶಕ್ತವಾಗಿದ್ದವು. ಆ ಮೂಲಕ ಪಂದ್ಯ ಟೈ ಆಗಿತ್ತು. ಸೂಪರ್‌ ಓವರ್‌ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಜಯ ಸಾಧಿಸಿತ್ತು.

ಇದಕ್ಕೂ ಮುನ್ನ 19ನೇ ಓವರ್‌ನಲ್ಲಿ ಕಗಿಸೋ ರಬಾಡ ಎಸೆತದಲ್ಲಿ ಕ್ರಿಸ್‌ ಜೋರ್ಡನ್ ಹಲವು ರನ್‌ಗಳನ್ನು ಪಡೆದುಕೊಂಡಿದ್ದರು. ಈ ವೇಳೆ ಲೆಗ್‌ ಅಂಫೈರ್‌ ಆಗಿ ಕಾರ್ಯನಿರ್ವಹಿಸುತ್ತಿದ್ದ ನಿತಿನ್‌ ಮೆನನ್‌ ಒಂದು ರನ್‌ ಶಾರ್ಟ್‌ ನೀಡಿದ್ದರು. ಆದರೆ, ಟಿವಿ ವಿಡಿಯೋದಲ್ಲಿ ರಿಪ್ಲೇಯಲ್ಲಿ ಜೋಡರ್ನ್‌ ರನ್‌ ಪೂರ್ಣಗೊಳಿಸಿರುವುದು ಕಂಡು ಬಂದಿತ್ತು ಹಾಗೂ ಬ್ಯಾಟ್‌ ಕ್ರೀಸ್ ಒಳಗೆ ಮುಟ್ಟಿರುವುದು ವಿಡಿಯೋ ರಿಪ್ಲೇಯಲ್ಲಿ ಕಂಡುಬಂದಿತ್ತು.

ಆದರೆ, ತೀರ್ಪುಗಾರರು ಕ್ರಿಸ್‌ ಜೋರ್ಡನ್‌ ಬ್ಯಾಟ್‌ ಕ್ರೀಸ್‌ ಒಳಗೆ ಇಟ್ಟಿಲ್ಲ ಎಂದು ಭಾವಿಸಿದರು. ಅಂಪೈರ್‌ ನಿತಿನ್‌ ಮೆನನ್‌ "ಶಾರ್ಟ್ ರನ್‌" ನೀಡಿದರು. ಈ ನಿರ್ಧಾರ ಪಂದ್ಯದ ದಿಕ್ಕನ್ನೇ ಬದಲಾಯಿಸಿತು. ಒಂದು ವೇಳೆ "ಶಾರ್ಟ್‌ ರನ್‌" ಕೊಡದೆ ಇದ್ದಿದ್ದರೆ, ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ಸುಲಭವಾಗಿ ಜಯ ಸಾಧಿಸುತ್ತಿತ್ತು.

ಭಾರತ ತಂಡದ ಮಾಜಿ ಆರಂಭಿಕ ಬ್ಯಾಟ್ಸ್‌ಮನ್‌ಗಳಾದ ವಿರೇಂದ್ರ ಸೆಹ್ವಾಗ್‌ ಹಾಗೂ ಆಕಾಶ್‌ ಚೋಪ್ರಾ ಅವರು ಅಂಪೈರ್‌ ನಿತಿನ್‌ ಮೆನನ್‌ ಅವರ ತೀರ್ಮಾನದ ವಿರುದ್ಧ ಟೀಕಿಸಿದರು.

"ಪಂದ್ಯ ಶ್ರೇಷ್ಠ ಪ್ರಶಸ್ತಿ ನೀಡಿರುವ ಬಗ್ಗೆ ನನಗೆ ಒಪ್ಪಿಗೆ ಇಲ್ಲ. ಶಾರ್ಟ್ ರನ್‌ ನೀಡಿದ ಅಂಪೈರ್‌ಗೆ ಮ್ಯಾನ್‌ ಆಫ್‌ ದಿ ಮ್ಯಾಚ್‌ ಪ್ರಶಸ್ತಿ ನೀಡಬೇಕು. ಶಾರ್ಟ್ ರನ್‌ ಇಲ್ಲದೇ ಹೋಗಿದ್ದರೆ, ಪಂದ್ಯದ ಫಲಿತಾಂಶ ಸಂಪೂರ್ಣ ವಿಭಿನ್ನವಾಗಿರುತ್ತಿತ್ತು," ಎಂದು ವಿರೇಂದ್ರ ಸೆಹ್ವಾಗ್‌ ಟ್ವೀಟ್‌ ಮಾಡಿದ್ದಾರೆ.

ಭಾರತ ತಂಡದ ಮಾಜಿ ಆರಂಭಿಕ ಬ್ಯಾಟ್ಸ್‌ಮನ್‌ ಆಕಾಶ್‌ ಚೋಪ್ರಾ ಹಾಗೂ ಡೆಲ್ಲಿ ಡೇರ್‌ ಡೆವಿಲ್ಸ್‌ ಮಾಕಜಿ ಕೋಚ್‌ ಟ್ರೆಂಟ್‌ ವುಡ್‌ವಿಲ್‌, ಅಂಪೈರ್‌ ಶಾರ್ಟ್ ನೀಡಲು ತಂತ್ರಜ್ಞಾನವನ್ನು ಬಳಸಿಕೊಳ್ಳದ ಬಗ್ಗೆ ಟೀಕಿಸಿದರು.

"ಒಂದು ರನ್ ಶಾರ್ಟ್ ಇರಲಿಲ್ಲ. ಇಂಥ ಪ್ರಕರಣಗಳಲ್ಲಿ ತಂತ್ರಜ್ಞಾನವನ್ನು ಖಂಡಿತಾ ಬಳಸಿಕೊಳ್ಳಬೇಕು. ಇಂತಹ ಸನ್ನಿವೇಶಗಳಲ್ಲಿ ಮೂರನೇ ಅಂಪೈರ್‌ ಮೊರೆ ಹೋಗುವುದರಿಂದ ಸರಿಯಾದ ತೀರ್ಪು ನೀಡಲು ಸಾಧ್ಯವಾಗುತ್ತದೆ. ಇದರಿಂದ ಎರಡು ಅಂಕಗಳನ್ನು ಕಳೆದುಕೊಂಡಿರುವ ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ಅಂತಿಮ ನಾಲ್ಕರ ಸುತ್ತಿಗೆ ಪರಿಣಾಮ ಬೀರಬಹುದು," ಎಂದು ಆಕಾಶ್‌ ಚೋಪ್ರಾ ಹೇಳಿದರು.

ಯುಎನ್‌ಐ ಆರ್‌ಕೆ 1140

More News

ಡಿಡಿಸಿಎ ಸಭೆ ಡಿಸೆಂಬರ್ ವರೆಗೆ ಮುಂದೂಡಿಕೆ

29 Oct 2020 | 10:50 PM

 Sharesee more..
ಮುಂಬೈ ಇಂಡಿಯನ್ಸ್‌ ವಿರುದ್ಧ ಆರ್‌ಸಿಬಿ ಸೋಲಿಗೆ ಕಾರಣ ಕೊಟ್ಟ ಕ್ಯಾಪ್ಟನ್ ಕೊಹ್ಲಿ

ಮುಂಬೈ ಇಂಡಿಯನ್ಸ್‌ ವಿರುದ್ಧ ಆರ್‌ಸಿಬಿ ಸೋಲಿಗೆ ಕಾರಣ ಕೊಟ್ಟ ಕ್ಯಾಪ್ಟನ್ ಕೊಹ್ಲಿ

29 Oct 2020 | 9:06 PM

ಅಬುಧಾಬಿ, ಅ 29 (ಯುಎನ್‌ಐ) ಮುಂಬೈ ಇಂಡಿಯನ್ಸ್ ವಿರುದ್ಧ ಐದು ವಿಕೆಟ್ ಸೋಲು ಅನುಭವಿಸಿದ ನಂತರ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ವಿರಾಟ್ ಕೊಹ್ಲಿ ಎದುರಾಳಿ ಬೌಲರ್‌ಗಳನ್ನು ಹೊಗಳಿದ್ದಾರೆ.

 Sharesee more..