Sunday, Aug 18 2019 | Time 04:38 Hrs(IST)
Karnataka Share

ಇಂಜಿನಿಯರಿಂಗ್ ವಿದ್ಯಾರ್ಥಿಗಳಿಗಾಗಿ ಉಚಿತ ಕೌಶಲ್ಯ ತರಬೇತಿ

ಬೆಂಗಳೂರು, ಜುಲೈ 17 (ಯುಎನ್ಐ) ಪದವಿ ಪೂರ್ಣಗೊಂಡ ಮತ್ತು ಅಂತಿಮ ವರ್ಷದ ಇಂಜಿನಿಯರಿಂಗ್ ಪದವಿಯಲ್ಲಿ ವ್ಯಾಸಂಗ ಮಾಡುತ್ತಿರುವ ವಿದ್ಯಾರ್ಥಿಗಳಿಗೆ TEQIP (ಟೆಕ್ಯಿಪ್) ಪ್ರಾಯೋಜಿತ ಎರಡು ವಾರಗಳ ಉಚಿತ ಕೌಶಲ್ಯ ತರಬೇತಿ ನೀಡಲು ಶ್ರೀ ಕೃಷ್ಣ ತಾಂತ್ರಿಕ ಮಹಾ ವಿದ್ಯಾಲಯ‌ ಹಾಗೂ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯ ಬೆಳಗಾವಿ ನಿರ್ಧರಿಸಿದೆ ಎಂದು ವಿದ್ಯಾಲಯದ ಪ್ರಾಂಶುಪಾಲ ಡಾ.ಮಂಜುನಾಥ ತಿಳಿಸಿದ್ದಾರೆ

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಇಂಜಿನಿಯರಿಂಗ್ ನ 40 ರಿಂದ 50 ವಿದ್ಯಾರ್ಥಿಗಳಿಗೆ ಎರಡು ವಾರಗಳ ಉಚಿತ ತರಬೇತಿಯನ್ನು ಜುಲೈ 22 ರಿಂದ ಆಗಸ್ಟ್ 2 ರವರೆಗೆ ವಿಶ್ವವಿದ್ಯಾಲಯದ ಎಸ್.ಕೆ.ಐ.ಟಿ. ಸಭಾಂಗಣದಲ್ಲಿ ನೀಡಲಾಗುತ್ತಿದ್ದು, ವಿದ್ಯಾರ್ಥಿಗಳು ಕಾರ್ಯಕ್ರಮವನ್ನು ಸದುಪಯೋಗ ಪಡಿಸಿಕೊಳ್ಳಬೇಕೆಂದು ಕೋರಿದ್ದಾರೆ.

ಈ ಕಾರ್ಯಕ್ರಮದ ಉದ್ಘಾಟನೆಯನ್ನು ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯ ಹಾಗೂ ಆರ್.ಒ.ಬಿ ನ ನಿರ್ದೇಶಕಿ ಡಾ.ಗಾಯತ್ರಿ ನೆರವೇರಿಸಲಿದ್ದು, ಎಂ.ಎಸ್.ಎಂ.ಇ ನಿರ್ದೇಶಕ ಕೆ.ದೇವರಾಜ್ ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ ಎಂದು ತಿಳಿಸಿದರು.

ಹೆಚ್ಚಿನ ಮಾಹಿತಿಗಾಗಿ www.vtu.ac.in ಮತ್ತು www.skit.org.in ಭೇಟಿ ನೀಡಬಹುದು ಹಾಗೂ ಡಾ.ಶ್ರೀಶೈಲ್ ಮಠ್ ಪ್ರಾಧ್ಯಾಪಕರು ಮೊ.ನಂ.9008235126 ಗೆ ಸಂಪರ್ಕಿಸಲು ಕೋರಿದ್ದಾರೆ.

ಯುಎನ್ಐ ಡಿಸಿ ಎಸ್ಎ1556