Friday, Sep 25 2020 | Time 15:32 Hrs(IST)
  • ಶಾಸಕ ಬಿ ನಾರಾಯಣರಾವ್ ನಿಧನಕ್ಕೆ ಸಂತಾಪ ಸೂಚಿಸಿದ ವಿಧಾನ ಪರಿಷತ್
  • ರಾಜ್ಯವನ್ನು ಸಾಲದ ಸುಳಿಯಲ್ಲಿ ಸಿಲುಕಿಸಿ ದಿವಾಳಿಯಾಗಿಸಬೇಡಿ; ಸರ್ಕಾರಕ್ಕೆ ಸಿದ್ದರಾಮಯ್ಯ ಸಲಹೆ
  • ಪರಿಷತ್ ನಲ್ಲಿ ಹಾರಾಡಿದ ಪಕ್ಷಿಗಳ ಹೆಸರು ; ಕಡತದಿಂದ ಹೆಸರು ತೆಗೆಸಿ ಸಭಾಪತಿ ರೂಲಿಂಗ್
  • ಬಸವಕಲ್ಯಾಣ ಕ್ಷೇತ್ರದ ಶಾಸಕ ಬಿ ನಾರಾಯಣ ರಾವ್ ಗೆ ಕೆಪಿಸಿಸಿ ಕಚೇರಿಯಲ್ಲಿ ಶ್ರದ್ಧಾಂಜಲಿ ಸಲ್ಲಿಕೆ
  • ಖ್ಯಾತ ಗಾಯಕ ಎಸ್ ಪಿ ಬಾಲಸುಬ್ರಹ್ಮಣ್ಯಂ ನಿಧನಕ್ಕೆ ಡಿ ಕೆ ಶಿವಕುಮಾರ್ ಸಂತಾಪ
  • ಅನಿಲ್‌ ಕುಂಬ್ಳೆ ನೀಡಿದ್ದ ಬೆಂಬಲವನ್ನು ಸ್ಮರಿಸಿದ ಪಂಜಾಬ್‌ ಸ್ಪಿನ್ನರ್‌ ರವಿ ಬಿಷ್ಣೋಯ್‌
  • ಕರೋನ ಲಸಿಕೆ, ಅಕ್ಟೋಬರ್ ನಿಂದ ಕೋವಾಕ್ಸಿನ್ ಮೂರನೇ ಹಂತದ ಪ್ರಯೋಗ
  • ಎಸ್ ಪಿ ಬಾಲಸುಬ್ರಹ್ಮಣ್ಯಂ ನಿಧನಕ್ಕೆ ಮುಖ್ಯಮಂತ್ರಿ ಸಂತಾಪ
  • ಬಿಹಾರ ವಿಧಾನಸಭೆಗೆ ಮೂರು ಹಂತದ ಚುನಾವಣೆ: ನವೆಂಬರ್ 10 ರಂದು ಫಲಿತಾಂಶ
  • ಎಸ್ ಪಿ ಬಿ ಸ್ಥಿತಿ ಗಂಭೀರ, ಆಸ್ಪತ್ರೆ ಮುಂದೆ ಕುಟುಂಬ, ಗಣ್ಯರ ದಂಡು ಬಿಗಿಭದ್ರತೆ
  • ರೈತರ ಅನುಕೂಲಕ್ಕಾಗಿ ಕೃಷಿ ತಿದ್ದುಪಡಿ ಮಸೂದೆ: ಪ್ರಧಾನಿ
  • 19 ವರ್ಷಗಳಿಂದ ರಾಮಸ್ವಾಮಿ ವರದಿ ಕೊಳೆಯುತ್ತಿದೆ: ರಾಮ್ ದಾಸ್
  • ಭೂ ಸುಧಾರಣಾ ಕಾಯ್ದೆಯಿಂದ ರೈತರಿಗೆ ತೊಂದರೆಯಿಲ್ಲ: ಮುಖ್ಯಮಂತ್ರಿ ಯಡಿಯೂರಪ್ಪ
  • ಡ್ರಗ್ಸ್ ಪ್ರಕರಣ: ಮತ್ತೋರ್ವ ಡ್ರಗ್ ಪೆಡ್ಲರ್ ಬಂಧನ
  • ಡ್ರಗ್ಸ್ ಪ್ರಕರಣ: ವಿಚಾರಣೆಗೆ ಕರೆದ ಮಾತ್ರಕ್ಕೆ ನಾನು ಅಪರಾಧಿಯಲ್ಲ; ನಟಿ ಅನುಶ್ರೀ
business economy Share

ಐಪಿಚ್ ಮೂಲಕ 4 ಕೋಟಿ ರೂ ಹೂಡಿಕೆ ಘೋಷಣೆ ಮಾಡಿದ ವಿಲ್ ಗ್ರೋ

ಬೆಂಗಳೂರು, ಡಿ.7 (ಯುಎನ್ಐ) ಭಾರತದ ಅತ್ಯಂತ ಹಳೆಯ ಹಾಗು ಅಗ್ರಗಣ್ಯ ಸಾಮಾಜಿಕ ಉದ್ಯಮ ಕೇಂದ್ರವಾದ ವಿಲ್ ಗ್ರೋ 2019 ರ ಐಪಿಚ್ ಹೂಡಿಕೆದಾರರನ್ನು ಘೋಷಣೆ ಮಾಡಿದೆ. ಈ ವರ್ಷದಲ್ಲಿ 4 ಕೋಟಿ ರೂ ಹೂಡಿಕೆಯನ್ನು ಐಪಿಚ್ ಘೋಷಣೆ ಮಾಡಿದ್ದು ಕೃಷಿ, ಆರೋಗ್ಯ ಮತ್ತು ನವೀಕರಿಸಬಹುದಾದ ಇಂಧನ ಕ್ಷೇತ್ರದ ನವೋದ್ಯಮಗಳಿಗೆ ಈ ಬಂಡವಾಳವನ್ನು ಬಳಕೆ ಮಾಡಲಾಗುವುದು.
ಆರೋಗ್ಯ ಕ್ಷೇತ್ರದ ನವೋದ್ಯಮಗಳಿಗೆ ವಿಲ್ ಗ್ರೋ ಇಂಡಿಯಾ ಪ್ರಮುಖ ಹೂಡಿಕೆದಾರ. ತಂತ್ರಜ್ಞಾನದ ಮೇಲೆ ಹೆಚ್ಚು ಆದ್ಯತೆ ನೀಡಿದ್ದು ವ್ಯಕ್ತಿಯ ವಿಕಲಾಂಗತೆಯನ್ನು ಇದರ ಮೂಲಕ ಪರಿಹರಿಸಲು ಪ್ರಯತ್ನಿಸುತ್ತಿದೆ. ಪುನರ್ವಸತಿ ಮತ್ತು ವೈದ್ಯಕೀಯ ಸಾಧನಗಳ ತಯಾರಕ ಸಂಸ್ಥೆ ಬೀಏಬಲ್ 25,00,000 ರೂ ಬಂಡವಾಳ ಸ್ವೀಕರಿಸಿದೆ. ಆ್ಯಂಟಿ-ಸ್ಲಿಪ್, ಆಲ್-ಟೆರೈನ್ ಕ್ರಚ್ಚಸ್ ತಯಾರಕ ಸಂಸ್ಥೆ ಫ್ಲೆಕ್ಸ್ಮೊಟಿವ್ ಟೆಕ್ನಾಲಜಿಸ್ ಕೂಡ 25,00,000 ಬಂಡವಾಳ ಸ್ವೀಕರಿಸಿದೆ.
ಕೃಷಿಯಲ್ಲಿ ನೀರಿನ ಸಂರಕ್ಷಣೆ ಹಾಗೂ ನಿರ್ವಹಣೆ ಮಾಡುವ ನವೋದ್ಯಮಗಳಿಗೆ ವಿಲ್ ಗ್ರೋ ಸಂಸ್ಥೆಯು ಹಿಂದೂಸ್ಥಾನ್ ಯುನಿಲಿವರ್ ಫೌಂಡೇಷನ್ ಜೊತೆಗೂಡಿ ಬಂಡವಾಳ ಹೂಡಿಕೆ ಮಾಡಿದೆ. ಕೆರೆ, ನದಿಗಳ ಜಲ ಸಂಪತ್ತನ್ನು ನಿರ್ವಹಣೆ ಮಾಡುವ ದಿಕ್ಕಿನಲ್ಲಿ ಕ್ರಿಸ್ಟ್ನಾಮ್ ಟೆಕ್ನಾಲಜಿಸ್ ಐಒಟಿ ಪರಿಹಾರವನ್ನು ತಯಾರಿಸುತ್ತಿದೆ. ಈ ನವೋದ್ಯಮವು 50,00,000 ರೂ ಬಂಡವಾಳ ಗಳಿಸಿದೆ. ಕೃಷಿ ಸಾಧನಗಳ ತಯಾರಿಕೆಯಲ್ಲಿ ಒಸ್ಸಿಲ್ಲೋ ಮಷಿನ್ ಶ್ರಮಿಸುತ್ತಿದೆ. ಸಣ್ಣ ಜಮೀನಿನಲ್ಲಿ ಉಪಯೋಗಿಸುವ ಎಲೆಕ್ಟ್ರಿಕ್ ಪ್ಯಾಡಿ ಸೀಡ್ಲಿಂಗ್ ಟ್ರಾನ್ಸ್ ಪ್ಲಾಂಟರ್ ಈ ಸಂಸ್ಥೆ ತಯಾರಿಸಿದ ಮೊದಲ ಉತ್ಪನ್ನ. ಈ ಸಂಸ್ಥೆಯು 30,00,000 ರೂ ಬಂಡವಾಳ ಗಳಿಸಿದೆ.
ಫಸಲನ್ನು ಹೆಚ್ಚಿಸುವ ಉದ್ದೇಶದಿಂದ ಐಒಟಿ, ಕೃತಕ ಬುದ್ದಿವಂತಿಕೆ, ರಿಮೋಟ್ ಸೆನ್ಸಿಂಗ್ ಮತ್ತು ಮಷಿನ್ ಲರ್ನಿಂಗ್ ಸೇರಿಸಿ ಸ್ಮಾರ್ಟ್ ಸೇವೆ ಒದಗಿಸಲು ಕಲ್ಟಿವೇಟ್ ಸಂಸ್ಥೆ ಶ್ರಮಿಸುತ್ತಿದೆ. ಈ ನವೋದ್ಯಮವು 50,00,000 ರೂ ಗಳಿಸಿದೆ. ಬತ್ತಿಹೋದ ಬೋರ್ ವೆಲ್ ರೀಚಾರ್ಜ್ ಮಾಡಲು ಉರ್ಧವಾಮ್ ಸಂಸ್ಥೆಯು ಬೋರ್ ಚಾರ್ಜರ್ ಎನ್ನುವ ವಿನೂತನ ಉತ್ಪನ್ನವನ್ನು ತಯಾರಿಸಿದೆ. ಈ ನವೋದ್ಯಮಕ್ಕೆ ವಿಲ್ ಗ್ರೋ ಮತ್ತು ಹಿಂದೂಸ್ಥಾನ್ ಯುನಿಲಿವರ್ ಫೌಂಡೇಷನ್ 30,00,000 ರೂ ಬಂಡವಾಳ ಒದಗಿಸಿದೆ.
ಮಹತ್ವದ ಬೆಳವಣಿಗೆಯಲ್ಲಿ ವಿಲ್ ಗ್ರೋ ಸಂಸ್ಥೆಯ ಇನ್ಕ್ಯೂಬೇಟೀ ಲಾಲ್ 101,00,000 ಯುಎಸ್ ಡಾಲರ್ ಅನ್ನು ಉಪಯಾ ಸೊಷಿಯಲ್ ವೆಂಚರ್ಸ್ ಮತ್ತು ಬಿಯಾಂಡ್ ಕ್ಯಾಪಿಟಲ್ ಫಂಡ್ ನಿಂದ ಪಡೆದಿದೆ. ವಿಲ್ ಗ್ರೋ ಸಂಸ್ಥೆಯ ಯುಎಸ್ಎ ಅಂಗಸಂಸ್ಥೆಯಾದ ಐಐಇಎಫ್ ಇನ್ನು ಎರಡು ಸಂಸ್ಥೆಗಳನ್ನು ಪರಿಶೀಲಿಸುತ್ತಿದೆ.
“ಈ ನವೋದ್ಯಮಗಳಿಗೆ ಐಪಿಚ್ ಮೂಲಕ ಬಂಡವಾಳವನ್ನು ಒದಗಿಸಲಾಗುತ್ತಿರುವುದ ಸಂಭ್ರಮಿಸುವ ವಿಷಯ. ನೈಜ ಸಮಸ್ಯೆಗಳನ್ನು ಬಗೆಹರಿಸುವ ಇಂತಹ ನವೋದ್ಯಮಗಳ ಅವಶ್ಯಕತೆ ಇನ್ನು ಹೆಚ್ಚಿದೆ. ಇವು ನವೋದ್ಯಮಗಳಲ್ಲಿ ಕ್ರಾಂತಿಯನ್ನು ತರುತ್ತವೆ. ಇಂತಹ ನವೊದ್ಯಮಗಳಿಗೆ ಬಂಡವಾಳ, ಸಲಹೆ ಹಾಗು ಮತ್ತಿತರ ಅಗತ್ಯ ಸೌಲಭ್ಯ ಒದಗಿಸಲಾಗುವುದು” ಎಂದು ವಿಲ್ ಗ್ರೋ ಸಂಸ್ಥೆಯ ಸಂಸ್ಥಾಪಕ ಮತ್ತು ಸಿಇಒ ಪೌಲ್ ಬಾಸಿಲ್ ತಿಳಿಸಿದ್ದಾರೆ.
ಯುಎನ್ಐ ಎಎಚ್ 1051