Monday, Sep 16 2019 | Time 06:13 Hrs(IST)
Entertainment Share

ಗಲ್ಲಾ ಪೆಟ್ಟಿಗೆಯಲ್ಲಿ ಗುದ್ದಾಡಲಿರುವ ಜಾನ್-ಅಕ್ಷಯ್

ಮುಂಬೈ, ಜುಲೈ 11 (ಯುಎನ್ಐ) ಬಾಲಿವುಡ್ ನಟ ಜಾನ್ ಅಬ್ರಾಹಂ ಹಾಗೂ ಅಕ್ಷಯ್ ಕುಮಾರ್ ಒಂದೇ ದಿನ ಗಲ್ಲಾ ಪೆಟ್ಟಿಗೆಯಲ್ಲಿ ಗುದ್ದಾಡಲು ಸಜ್ಜಾಗಿದ್ದಾರೆ.
ಜಾನ್ ಅಬ್ರಹಂ ಅಭಿನಯದ 'ಬಾಟಲ್ ಹೌಸ್' ಹಾಗೂ ಅಕ್ಷಯ್ ಅವರ 'ಮಿಷನ್ ಮಂಗಲ್' ಮತ್ತು ಪ್ರಭಾಸ್ ರ 'ಸಾಹೋ' ಈ ಮೂರು ಚಿತ್ರಗಳು ಆಗಸ್ಟ್ 15ರಂದು ತೆರೆಗೆ ಬರಲಿವೆ.
'ಬಾಟಲ್ ಹೌಸ್ 'ಚಿತ್ರವು 2008ರಲ್ಲಿ ದೆಹಲಿಯಲ್ಲಿ ನಡೆದ ಎನ್ ಕೌಂಟರ್ ವೊಂದರ ಸತ್ಯ ಘಟನಾಧಾರಿತ ಕಥಾ ವಸ್ತು ಹೊಂದಿದೆ. ದೆಹಲಿಯಲ್ಲಿ ಪೊಲೀಸ್ ಇನ್ಸ್ ಪೆಕ್ಟರ್ ಒಬ್ಬರು ಎನ್ ಕೌಂಟರ್ ನಲ್ಲಿ ಹತರಾಗಿದ್ದು, ಆಗ ಅದು ಭಾರಿ ವಿವಾದಕ್ಕೀಡಾಗಿತ್ತು. ಈ ಚಿತ್ರದಲ್ಲಿ ಜಾನ್, ಪೊಲೀಸ್ ಅಧಿಕಾರಿ ಸಂಜೀವ್ ಕುಮಾರ್ ಯಾದವ್ ಅವರ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಬಿಟೌನ್ ನಲ್ಲಿ ಉತ್ತಮ ಸ್ನೇಹಿತರೆಂದು ಕರೆಸಿಕೊಳ್ಳುವ ಜಾನ್ ಹಾಗೂ ಅಕ್ಷಯ್ ಇದೇ ಮೊದಲ ಬಾರಿಗೇನೂ ಗಲ್ಲಾ ಪೆಟ್ಟಿಗೆಯಲ್ಲಿ ಗುದ್ದಾಡುತ್ತಿಲ್ಲ. ಇದಕ್ಕೂ ಮೊದಲು ಅಕ್ಷಯ್ ರ 'ಗೋಲ್ಡ್' ಹಾಗೂ ಜಾನ್ ಅವರ 'ಸತ್ಯ ಮೇವ ಜಯತೆ' ಎರಡು ಚಿತ್ರ ಒಂದೇ ದಿನ ಪ್ರದರ್ಶನಗೊಂಡಿದ್ದವು.
ಈ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡಿದ ಜಾನ್, ''ಈ ಸಂದರ್ಭದಲ್ಲಿ 'ಮೇಕ್ ಸಮ್ ನಾಯ್ಸ್ ಫಾರ್ ದೇಸಿ ಬಾಯ್ಸ್' ಎಂದು ಹೇಳಲಿಚ್ಛಿಸುತ್ತೇನೆ. ಇಂತಹ ವಾತಾವರಣದಲ್ಲಿ ಜನ ವಿವಾದ ಹುಟ್ಟುಹಾಕಲು ಮುಂದಾಗುತ್ತಾರೆ ಎಂಬುದು ನನಗೆ ಗೊತ್ತು. ಆದರೆ, ಅಕ್ಷಯ್ ನಾನು ಉತ್ತಮ ಸ್ನೇಹಿತರು ಎಂಬುದು ಸತ್ಯ'' ಎಂದಿದ್ದಾರೆ.
''ಇತ್ತೀಚೆಗಷ್ಟೇ ಒಂದೇ ದಿನ ಚಿತ್ರ ಬಿಡುಗಡೆಗೊಳ್ಳುತ್ತಿರುವುದರ ಕುರಿತು ಇಬ್ಬರೂ ಸಂದೇಶ ರವಾನಿಸಿದ್ದೇವೆ. ಚಿತ್ರದ ಬಿಡುಗಡೆಯ ಕುರಿತು ಇಬ್ಬರಲ್ಲಿ ವಿಶ್ವಾಸವಿದೆ. ಪ್ರಸ್ತುತ ಪ್ರೇಕ್ಷಕರಿಗೆ ನಾನು ವಿಭಿನ್ನ ಚಿತ್ರಗಳನ್ನು ನೀಡುತ್ತಿದ್ದು ಇಷ್ಟವಾಗಲಿದೆ ಎಂಬ ಭರವಸೆ ಇದೆ'' ಎಂದು ವಿಶ‍್ವಾಸ ವ್ಯಕ್ತಪಡಿಸಿದ್ದಾರೆ.
''ನನ್ನ ಚಿತ್ರದೊಂದಿಗೆ ಬಿಡುಗಡೆಗೊಳ್ಳುತ್ತಿರುವ 'ಮಂಗಲ್ ಮಿಷನ್' ಹಾಗೂ 'ಸಾಹೋ' ಚಿತ್ರಕ್ಕೂ ಒಳ್ಳೆಯದಾಗಲಿ'' ಎಂದು ಜಾನ್ ಶುಭ ಹಾರೈಸಿದ್ದಾರೆ.
ಯುಎನ್ಐ ಪಿಕೆ ಎಸ್ಎಚ್ 1742
More News

ಯೂಟ್ಯೂಬ್ ಚಾನೆಲ್ ಗೆ ದಿಶಾ ಪಟಾನಿ ಚಾಲನೆ

14 Sep 2019 | 6:42 PM

 Sharesee more..
ಮೇಕಪ್ ಇಲ್ಲದ ಸಮಂತಾ ಫೋಟೋಗೆ ಅಭಿಮಾನಿಗಳು ಫಿದಾ

ಮೇಕಪ್ ಇಲ್ಲದ ಸಮಂತಾ ಫೋಟೋಗೆ ಅಭಿಮಾನಿಗಳು ಫಿದಾ

14 Sep 2019 | 5:11 PM

ಬೆಂಗಳೂರು, ಸೆ 14 (ಯುಎನ್ಐ) ಕೆಲವು ತಿಂಗಳುಗಳ ಹಿಂದಷ್ಟೇ ಬಹುಭಾಷಾ ನಟಿ ಕಾಜಲ್ ಅಗರ್ ವಾಲ್ ತಮ್ಮ ಮೇಕಪ್ ಇಲ್ಲದ ಫೋಟೋ ಒಂದನ್ನು ಶೇರ್ ಮಾಡಿ, ಅಭಿಮಾನಿಗಳ ಮನಗೆದ್ದಿದ್ದರು.

 Sharesee more..