Tuesday, Jan 26 2021 | Time 10:29 Hrs(IST)
  • ಉಪರಾಷ್ಟ್ರಪತಿಯವರಿಂದ ದೇಶದ ಜನತೆಗೆ 72 ನೇ ಗಣರಾಜ್ಯೋತ್ಸವ ಶುಭಾಶಯ
  • ಗಣರಾಜ್ಯೋತ್ಸವ ಅಂಗವಾಗಿ ರಾಷ್ಟ್ರೀಯ ಯುದ್ಧ ಸ್ಮಾರಕದಲ್ಲಿ ಪ್ರಧಾನಿ ಗೌರವ ನಮನ
  • ಭದ್ರತಾಕೋಟೆ ಭೇದಿಸಿ ರೈತರ ಲಗ್ಗೆ: ರಾಜಧಾನಿಯಲ್ಲಿ ಉದ್ವಿಗ್ನ ಸ್ಥಿತಿ
  • ನಾಡಿನ ಜನತೆಗೆ ಗಣರಾಜ್ಯೋತ್ಸವ ಶುಭಕೋರಿದ ಮುಖ್ಯಮಂತ್ರಿ
  • ರಷ್ಯಾದ ಸ್ಪುಟ್ನಿಕ್ ಲಸಿಕೆ ಪಡೆಯಲು ಭಾರತ ಚಿಂತನೆ : ವೆಂಕಟೇಶ್ ವರ್ಮಾ
  • 72 ನೇ ಗಣರಾಜ್ಯೋತ್ಸವ, ದೇಶವಾಸಿಗಳಿಗೆ ಶುಭ ಕೋರಿದ ಪ್ರಧಾನಿ
National Share

ಗೃಹ ಸಂಪರ್ಕತಡೆ ರದ್ದುಗೊಳಿಸುವ ಲೆಫ್ಟಿನೆಂಟ್‍ ಗವರ್ವರ್ ಆದೇಶದ ಬಗ್ಗೆ ಒಮ್ಮತಕ್ಕೆ ಬಂದಿಲ್ಲ- ಸಿಸೋಡಿಯಾ

ನವದೆಹಲಿ, ಜೂನ್ 20 (ಯುಎನ್ಐ) ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಗೃಹ ಸಂಪರ್ಕ ತಡೆ ರದ್ದುಗೊಳಿಸಲು ಮತ್ತು ನಗರದಲ್ಲಿ ಖಾಸಗಿ ಆಸ್ಪತ್ರೆಗಳಲ್ಲಿನ ಆಸ್ಪತ್ರೆಗಳ ಹಾಸಿಗೆಗಳ ದರವನ್ನು ಪರಿಷ್ಕರಿಸುವ ಲೆಫ್ಟಿನೆಂಟ್ ಗವರ್ನರ್ ಅನಿಲ್ ಬೈಜಾಲ್ ಅವರ ಆದೇಶದ ಬಗ್ಗೆ ಯಾವುದೇ ಒಮ್ಮತಕ್ಕೆ ಬಂದಿಲ್ಲ ಎಂದು ದೆಹಲಿ ಉಪ ಮುಖ್ಯಮಂತ್ರಿ ಮನೀಶ್ ಸಿಸೋಡಿಯಾ ಹೇಳಿದ್ದಾರೆ.
ಇಂದು ರಾಜ್ಯ ವಿಪತ್ತು ನಿರ್ವಹಣಾ ಪ್ರಾಧಿಕಾರ (ಎಸ್‌ಡಿಎಂಎ) ಸಭೆಯಲ್ಲಿ ಕೋವಿಡ್ -19 ಸೋಂಕು ದೃಢಪಟ್ಟ ಎಲ್ಲರಿಗೂ ಐದು ದಿನಗಳ ಕಡ್ಡಾಯ ಸಾಂಸ್ಥಿಕ ಸಂಪರ್ಕತಡೆ ಜಾರಿಗೊಳಿಸುವ ಬೈಜಾಲ್ ಅವರ ನಿರ್ಧಾರವನ್ನು ಸಿಸೋಡಿಯಾ ವಿರೋಧಿಸಿದರು.
ಈಗಾಗಲೇ ನಿರ್ಮಾಣಗೊಂಡಿರುವ ಸ್ಥಿತಿಯ ಬಗ್ಗೆ ಕಳವಳ ವ್ಯಕ್ತಪಡಿಸಿದ ಅವರು, ಕೋವಿಡ್ ದೃಢಪಟ್ಟ ಮತ್ತು ರೋಗ ಲಕ್ಷಣರಹಿತ ರೋಗಿಗಳನ್ನು ಕಡ್ಡಾಯವಾಗಿ ಐದು ದಿನಗಳವರೆಗೆ ಸಾಂಸ್ಥಿಕ ಸಂಪರ್ಕತಡೆಯಲ್ಲಿರಿಸಬೇಕು ಎಂಬ ಆದೇಶದಿಂದ ಜನರಿಗೆ ತೊಂದರೆಯಾಗಲಿದೆ ಎಂದು ಹೇಳಿದ್ದಾರೆ.
‘ರಾಜ್ಯ ವಿಪತ್ತು ನಿರ್ವಹಣಾ ಪ್ರಾಧಿಕಾರದ ಸಭೆಯಲ್ಲಿ ಎರಡು ಪ್ರಮುಖ ವಿಷಯಗಳನ್ನು ಚರ್ಚಿಸಿದ್ದೇವೆ. ಇದು ದೆಹಲಿಯ ಖಾಸಗಿ ಆಸ್ಪತ್ರೆಗಳಲ್ಲಿನ ಹಾಸಿಗೆಗಳ ದರವನ್ನು ತಗ್ಗಿಸುವುದು ಮತ್ತು ಕೊವಿಡ್- 19 ರೋಗಿಗಳಿಗೆ ಗೃಹ ಸಂಪರ್ಕ ತಡೆ ರದ್ದುಗೊಳಿಸುವ ಲೆಫ್ಟಿನೆಂಟ್ ಗವರ್ವರ್ ಆದೇಶನ್ನು ವಿರೋಧಿಸುವುದಾಗಿದೆ. ಕಡ್ಡಾಯ ಸಾಂಸ್ಥಿಕ ಸಂಪರ್ಕತಡೆಯನ್ನು ತೆಗೆದುಕೊಳ್ಳುವ ಈ ನಿರ್ಧಾರವನ್ನು ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್ ವಿರೋಧಿಸಿದ್ದಾರೆ. ಈ ನಿರ್ಧಾರ ದೆಹಲಿಯನ್ನು ಅವ್ಯವಸ್ಥೆಯ ಸ್ಥಿತಿಗೆ ತಳ್ಳುತ್ತದೆ.’ ಎಂದು ಸಿಸೋಡಿಯಾ ಹೇಳಿದ್ದಾರೆ.
ಸದ್ಯದ ಅಂಕಿ-ಅಂಶಗಳನ್ನು ಗಮನಿಸಿದರೆ ಸದ್ಯ ಗೃಹಸಂಪರ್ಕ ತಡೆಯಲ್ಲಿ 10,000 ಕ್ಕೂ ಹೆಚ್ಚು ಜನರಿದ್ದಾರೆ. ಸಂಪರ್ಕತಡೆ ಕೇಂದ್ರಗಳಲ್ಲಿ ಕೇವಲ 6,000 ಹಾಸಿಗೆಗಳಿವೆ. ಆದ್ದರಿಂದ ಎಲ್ಲರಿಗೂ ಸರ್ಕಾರ ಸೌಲಭ್ಯ ಒದಗಿಸುವುದಾದರೂ ಹೇಗೆ? ಎಂದು ಸಿಸೋಡಿಯಾ ಪ್ರಶ್ನಿಸಿದ್ದಾರೆ.
uni sls 1759