Wednesday, May 27 2020 | Time 02:48 Hrs(IST)
  • ಬೆಂಗಳೂರು ಗಾಳಿ ಮಳೆಗೆ ಓರ್ವ ಯುವತಿ ಬಲಿ : ಧರೆಗುರುಳಿದ ಮರ,ವಿದ್ಯುತ್ ಕಂಬಗಳು
Sports Share

ದಕ್ಷಿಣ ಆಫ್ರಿಕಾಗೆ 309 ರನ್ ಗುರಿ ನೀಡಿದ ಪಾಕ್

ದಕ್ಷಿಣ ಆಫ್ರಿಕಾಗೆ 309 ರನ್ ಗುರಿ ನೀಡಿದ ಪಾಕ್
ದಕ್ಷಿಣ ಆಫ್ರಿಕಾಗೆ 309 ರನ್ ಗುರಿ ನೀಡಿದ ಪಾಕ್

ಲಂಡನ್, ಜೂನ್ 23 (ಯುಎನ್ಐ)- ಭರವಸೆಯ ಬ್ಯಾಟ್ಸ್ ಮನ್ ಹ್ಯಾರಿಸ್ ಸೊಹೈಲ್ (89 ರನ್) ಹಾಗೂ ಬಾಬರ್ ಅಜಮ್ (69 ರನ್) ಅವರ ಅರ್ಧಶತಕದ ಬಲದಿಂದ ಪಾಕಿಸ್ತಾನ ವಿಶ್ವಕಪ್ ನ ಮಾಡು ಇಲ್ಲವೆ ಮಡಿ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ತಂಡಕ್ಕೆ 309 ರನ್ ಗುರಿ ನೀಡಿದೆ.

ಟಾಸ್ ಗೆದ್ದ ಪಾಕಿಸ್ತಾನ ಬ್ಯಾಟಿಂಗ್ ಮಾಡಲು ಮುಂದಾಯಿತು. ಇಮಾಮ್ ಉಲ್ ಹಕ್ ಹಾಗೂ ಫಖಾರ್ ಜಮನ್ ಮೊದಲ ವಿಕೆಟ್ ಗೆ ಸಮಯೋಚಿತ ಬ್ಯಾಟಿಂಗ್ ನಡೆಸಿದರು. ಈ ಜೋಡಿ 14.5 ಓವರ್ ಗಳಲ್ಲಿ 81 ರನ್ ಸೇರಿಸಿತು. ಫಖಾರ್ 44 ರನ್ ಗಳಿಸಿ ಉತ್ತಮವಾಗಿ ಆಡುತ್ತಿದ್ದಾಗ ಇಮ್ರಾನ್ ತಾಹೀರ್ ಗೆ ವಿಕೆಟ್ ಒಪ್ಪಿಸಿದರು.

ಇನ್ನು ಯುವ ಆಟಗಾರ ಇಮಾಮ್ ಉಲ್ ಹಕ್ 58 ಎಸೆತಗಳಲ್ಲಿ 44 ರನ್ ಬಾರಿಸಿ, ಸ್ಪಿನ್ ಬೌಲರ್ ತಾಹೀರ್ ಗೆ ಬಲಿಯಾದರು.

ಆಲ್ ರೌಂಡರ್ ಮೊಹಮ್ಮದ್ ಹಫೀಜ್ 20 ರನ್ ಗಳಿಗೆ ಆಟ ಮುಗಿಸಿದರು.

4ನೇ ವಿಕೆಟ್ ಗೆ ಹ್ಯಾರೀಸ್ ಹಾಗೂ ಬಾಬರ್ ಅಜಮ್ ತಂಡ ಸ್ಪರ್ಧಾತ್ಮ ಮೊತ್ತ ಕಲೆ ಹಾಕುವಲ್ಲಿ ಶ್ರಮಿಸಿದರು. ಈ ಜೋಡಿ ದಕ್ಷಿಣ ಆಫ್ರಿಕಾದ ಬೌಲರ್ ಗಳ ಚಿಂತೆಯನ್ನು ಹೆಚ್ಚಿಸಿತ್ತು. ಸ್ಟಾರ್ ಬೌಲರ್ ಗಳ ವಿರುದ್ಧ ಕೆಚ್ಚೆದೆಯ ಬ್ಯಾಟಿಂಗ್ ನಡೆಸಿದ ಜೋಡಿ ರನ್ ಸೇರಿಸಿತು. 68 ಎಸೆತಗಳಲ್ಲಿ ಜೋಡಿ 81 ರನ್ ಕಾಣಿಕೆ ನೀಡಿತು. ಬಾಬರ್ ಅಜಮ್ 69 ರನ್ ಗಳಿಗೆ ಆಟ ಮುಗಿಸಿದರು.

ಹ್ಯಾರಿಸ್ ಹಾಗೂ ಇಮಾದ್ ವಾಸೀಮ್ ಸಹ ತಂಡಕ್ಕೆ ನೆರವಾದರು. ಈ ಜೋಡಿ ರನ್ ವೇಗಕ್ಕೆ ಚುರುಕು ಮುಟ್ಟಿಸುವಲ್ಲಿ ಶ್ರಮಿಸಿತು. 71 ರನ್ ಸೇರಿಸಿ ಮುನ್ನುಗುತ್ತಿದ್ದ ಜೋಡಿಯನ್ನು ಬೇರ್ಪಡಿಸುವಲ್ಲಿ ಲುಂಗಿ ಗಿಡಿ ಸಫಲರಾದರು.

ಹ್ಯಾರಿಸ್ ಸೊಹೈಲ್ 59 ಎಸೆತಗಳಲ್ಲಿ 9 ಬೌಂಡರಿ, 3 ಸಿಕ್ಸರ್ ನೆರವಿನಿಂದ 89 ರನ್ ಬಾರಿಸಿ ಆರ್ಭಟಿಸಿದರು.

ದಕ್ಷಿಣ ಆಫ್ರಿಕಾ ಪರ ಲುಂಗಿ ಗಿಡಿ ಮೂರು ಹಾಗೂ ಇಮ್ರಾನ್ ತಾಹೀರ್ 2 ವಿಕೆಟ್ ಪಡೆದರು.

ಸಂಕ್ಷಿಪ್ತ ಸ್ಕೋರ್

ಪಾಕಿಸ್ತಾನ 50 ಓವರ್ ಗಳಲ್ಲಿ 7 ವಿಕೆಟ್ ಗೆ 307

(ಹ್ಯಾರಿಸ್ ಸೊಹೈಲ್ 89, ಬಾಬರ್ ಅಜಮ್ 69, ಫಖಾರ್ ಜಮನ್ 44, ಇಮಾಮ್ ಉಲ್ ಹಕ್ 44, ಲುಂಗಿ ಗಿಡಿ 64ಕ್ಕೆ 3, ಇಮ್ರಾನ್ ತಾಹೀರ್ 41ಕ್ಕೆ 2).

More News
ಏಕದಿನ ಈ ದಿನ ಗಂಗೂಲಿ-ದ್ರಾವಿಡ್ ವಿಶ್ವ ದಾಖಲೆ ನಿರ್ಮಾಣ

ಏಕದಿನ ಈ ದಿನ ಗಂಗೂಲಿ-ದ್ರಾವಿಡ್ ವಿಶ್ವ ದಾಖಲೆ ನಿರ್ಮಾಣ

26 May 2020 | 7:25 PM

ನವದೆಹಲಿ: ಇಂದಿಗೆ ಸರಿಯಾಗಿ 21 ವರ್ಷಗಳ ಹಿಂದೆ ಅಂದರೆ 1999ರ ವಿಶ್ವಕಪ್‌ ವೇಳೆ ಭಾರತ ಕ್ರಿಕೆಟ್ ತಂಡದ ಇಬ್ಬರು ಆಟಗಾರರು ವಿಶ್ವದಾಖಲೆಯೊಂದನ್ನು ನಿರ್ಮಿಸಿದ್ದರು.

 Sharesee more..

ವಿಂಡೀಸ್ ಆಟಗಾರರಿಂದ ಅಭ್ಯಾಸ ಶುರು

26 May 2020 | 7:24 PM

 Sharesee more..
ಕೊರೊನಾ ಸಂಕಟದ ಸಮಯದಲ್ಲೂ ಗಾಲ್ಫ್ ಆಡಿದ ಟ್ರಂಪ್

ಕೊರೊನಾ ಸಂಕಟದ ಸಮಯದಲ್ಲೂ ಗಾಲ್ಫ್ ಆಡಿದ ಟ್ರಂಪ್

26 May 2020 | 6:53 PM

ವಾಷಿಂಗ್ಟನ್, ಮೇ 26 (ಯುಎನ್ಐ)- ಜಾಗತಿಕ ಸಾಂಕ್ರಾಮಿಕ ಕೊರೊನಾ ವೈರಸ್‌ನಿಂದ ತೀವ್ರವಾಗಿ ಪ್ರಭಾವಿತರಾಗಿರುವ ಅಮೆರಿಕ ದೇಶದ ಪರಿಸ್ಥಿತಿಯ ನಡುವೆ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಗಾಲ್ಫ್ ಆಡಿ, ತೀವ್ರ ಟೀಕೆಗಳನ್ನು ಎದುರಿಸುತ್ತಿದ್ದಾರೆ.

 Sharesee more..