Wednesday, Sep 23 2020 | Time 01:40 Hrs(IST)
Sports Share

ದ್ರಾವಿಡ್ ಎದುರಿಸಿದ್ದ ಸಮಸ್ಯೆ ಬಹಿರಂಗಪಡಿಸಿದ ದಲ್ಜಿತ್‌ ಸಿಂಗ್‌

ನವದೆಹಲಿ, ಆಗಸ್ಟ್ 3 (ಯುಎನ್ಐ)
ಪಠ್ಯದಲ್ಲಿನ ತಂತ್ರ ಹೊಂದಿಲ್ಲದಿದ್ದರೂ ಕ್ರಿಕೆಟ್‌ನಲ್ಲಿ ಯಶಸ್ವಿಯಾಗಬಹುದು ಎಂಬುದನ್ನು ರಾಹುಲ್ ದ್ರಾವಿಡ್ ತೋರಿಸಿಕೊಟ್ಟರು ಎಂಬುದನ್ನು ಒಂದು ಕಾಲದಲ್ಲಿ ಪ್ರಮುಖ ತರಬೇತುದಾರರಾಗಿದ್ದ ಬಿಸಿಸಿಐನ ಮಾಜಿ ಮುಖ್ಯ ಕ್ಯುರೇಟರ್ ದಲ್ಜಿತ್ ಸಿಂಗ್ ಇತ್ತೀಚೆಗೆ ಬಹಿರಂಗಪಡಿಸಿದರು.
ಸ್ಪೋರ್ಟ್ಸ್‌ಕೀಡಾದ ಫೇಸ್‌ಬುಕ್‌ ಪೇಜ್‌ನಲ್ಲಿ ಇಂದ್ರಾನಿಲ್‌ ಬಸು ಅವರೊಂದಿಗೆ ಕ್ರಿಕೆಟ್‌ ಕೋಚ್‌ ಹಾಗೂ ಕ್ಯುರೇಟರ್‌ ಆಗಿ ತಮ್ಮ ಸುದೀರ್ಘ ಅನುಭವವನ್ನು ದಲ್ಜಿತ್‌ ಸಿಂಗ್‌ ಹಂಚಿಕೊಂಡರು.
ಯುವ ರಾಹುಲ್‌ ದ್ರಾವಿಡ್‌ಗೆ ಕೋಚ್‌ ಮಾಡಿದ್ದರ ಅನುಭವವನ್ನು ಹಂಚಿಕೊಳ್ಳುವಂತೆ ದಲ್ಜೀತ್‌ ಸಿಂಗ್‌ಗೆ ಕೇಳಲಾಯಿತು. ಪ್ರಥಮ ದರ್ಜೆ ಕ್ರಿಕೆಟ್‌ನ ಮಾಜಿ ಆಟಗಾರ, 16 ಮತ್ತು 19 ವಯೋಮಿತಿ ತಂಡಗಳಿಗೆ ಮುಖ್ಯ ಕೋಚ್‌ ಆಗಿದ್ದ ವೇಳೆ, ರಾಹುಲ್‌ ದ್ರಾವಿಡ್‌ ಹಾಗೂ ವಿವಿಎಸ್‌ ಲಕ್ಷ್ಮಣ್‌ ಅವರಂತ ಯುವ ಪ್ರತಿಭೆಗಳಿಗೆ ತರಬೇತಿ ನೀಡಿದ್ದರು. ಈ ಕುರಿತು ದಲ್ಜೀತ್‌ ಸಿಂಗ್‌ ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿದ್ದಾರೆ.
"ಆರಂಭಿಕ ದಿನಗಳಲ್ಲಿ ಬಿಸಿಸಿಐ, 16 ಹಾಗೂ 19 ವಯೋಮಿತಿ ತಂಡಗಳಿಗೆ ತರಬೇತಿ ಕಾರ್ಯಕ್ರಮಗಳನ್ನು ಬೆಂಗಳೂರಿನಲ್ಲಿ ಹಮ್ಮಿಕೊಂಡಿತ್ತು. ಈ ಎರಡೂ ತಂಡಗಳಿಗೆ 2 ವರ್ಷಗಳ ಕಾಲ ಮುಖ್ಯ ಕೋಚ್‌ ಆಗಿ ಕಾರ್ಯ ನಿರ್ವಹಿಸಿದ್ದೇನೆ. ವಿವಿಎಸ್‌ ಲಕ್ಷ್ಮಣ್‌ ಹಾಗೂ ರಾಹುಲ್‌ ದ್ರಾವಿಡ್‌ ಸೇರಿದಂತೆ ಹಲವು ಯುವ ಆಟಗಾರರು ಈ ಶಿಬಿರದಿಂದ ಬೆಳಕಿಗೆ ಬಂದವರಾಗಿದ್ದರು," ಎಂದು ಹೇಳಿದರು.
ಆಟಗಾರನ ತಂತ್ರವನ್ನು ಅಪೇಕ್ಷಿತ ಫಲಿತಾಂಶವನ್ನು ನೀಡುವವರೆಗೂ ಅದನ್ನು ಬದಲಾಯಿಸಲು ತಾನು ಎಂದಿಗೂ ಪ್ರಯತ್ನಿಸಲಿಲ್ಲ ಎಂದು ದಲ್ಜಿತ್ ಸಿಂಗ್ ಹೇಳಿದರು. "ನಾನೆಂದೂ ಆಟಗಾರರನ್ನು ಪಠ್ಯದ ಜ್ಞಾನಕ್ಕಾಗಿ ಹಾಗೂ ಬುಕ್ಕಿಶ್‌ ತಂತ್ರಜ್ಞಾನಕ್ಕಾಗಿ ತಳ್ಳಲಿಲ್ಲ. ಆಟಗಾರರ ಸಾಮರ್ಥ್ಯಕ್ಕೆ ತಕ್ಕಂತೆ ಅವರನ್ನು ತಯಾರು ಮಾಡಲಾಗುತ್ತಿತ್ತು," ಎಂದು ಹೇಳಿದರು.
"ರಾಹುಲ್‌ ದ್ರಾವಿಡ್‌ ಕ್ರಿಕೆಟ್‌ ಆರಂಭಿಸಿದಾಗ ಅವರ ಬ್ಯಾಟ್ ಹೊರಗಡೆಯಿಂದ ಬರುತ್ತಿತ್ತು, ಮುಂದೆ ಯಶಸ್ವಿಯಾಗುವುದಿಲ್ಲ ಎಂದು ಸಾಕಷ್ಟು ಮಂದಿ ನನಗೆ ತಿಳಿಸಿದ್ದರು. ಹಾಗಾಗಿ ದ್ರಾವಿಡ್‌ ಬಳಿ ನಾನೇ ಮಾತನಾಡಿದ್ದೆ. ಬ್ಯಾಟಿಂಗ್‌ ಮಾಡುವಾಗ ಒಳಬರುವ ಬಾಲ್‌ಗಳನ್ನು ನಿರ್ವಹಿಸಲು ಸಾಧ್ಯವೇ ಎಂದು ನಾನು ಅವರಿಗೆ ಕೇಳಿದೆ, ಅದಕ್ಕೆ 'ಅವರು ಇದು ನನಗೆ ಸಮಸ್ಯೆಯೇ ಅಲ್ಲ ಎಂದಿದ್ದರು," ಎಂದು ಮಾಜಿ ಕೋಚ್‌ ತಿಳಿಸಿದರು.
"ಒಳ ಬರುವ ಎಸೆತಗಳಿಗೆ ನೆಟ್ಸ್‌ನಲ್ಲಿ ರಾಹುಲ್‌ ದ್ರಾವಿಡ್‌ ಬ್ಯಾಟಿಂಗ್‌ ಟೆಸ್ಟ್‌ ಮಾಡಲು ಬಯಸಿದೆವು. ಇತರೆ ಎಸೆತಗಳಿಗಿಂತಲೂ ಒಳ ಬರುವ ಎಸೆತಗಳಿಗೆ ದ್ಯಾವಿಡ್‌ ಅದ್ಭುತ ಬ್ಯಾಟಿಂಗ್‌ ಮಾಡಿದರು. ಅವರು ಅದನ್ನೇ ಚೆನ್ನಾಗಿ ಹೊಂದಾಣಿಕೆ ಮಾಡಿಕೊಂಡರು ಹಾಗೂ ಬ್ಯಾಕ್‌ಲಿಫ್ಟ್‌ ಕೂಡ ಅತ್ಯುತ್ತಮವಾಗಿಯೇ ಇತ್ತು," ಎಂದು ದಲ್ಜಿತ್‌ ಸಿಂಗ್‌ ತಿಳಿಸಿದರು.
ಯುಎನ್ಐಆರ್ ಕೆ 2117
More News
ಸಂಜು, ಸ್ಮಿತ್ ಅಬ್ಬರ, ರಾಯಲ್ಸ್ ಉತ್ತಮ ಮೊತ್ತ

ಸಂಜು, ಸ್ಮಿತ್ ಅಬ್ಬರ, ರಾಯಲ್ಸ್ ಉತ್ತಮ ಮೊತ್ತ

22 Sep 2020 | 10:32 PM

ಶಾರ್ಜಾ, ಸೆ.22 (ಯುಎನ್ಐ)- ಅನುಭವಿ ಆಟಗಾರರಾದ ಸ್ವೀಟನ್ ಸ್ಮಿತ್ ಹಾಗೂ ಸಂಜು ಸ್ಯಾಮ್ಸನ್ ಅವರ ಭರ್ಜರಿ ಅರ್ಧಶತಕದ ನೆರವಿನಿಂದ ರಾಜಸ್ಥಾನ ರಾಯಲ್ಸ್ ಇಂಡಿಯನ್ ಪ್ರೀಮಿಯರ್ ಲೀಗ್ ನ ನಾಲ್ಕನೇ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಗೆ ಉತ್ತಮ ಮೊತ್ತದ ಗುರಿಯನ್ನು ನೀಡಿದೆ.

 Sharesee more..

ರಾಜಸ್ಥಾನ ಸ್ಕೋರ್ ಬೋರ್ಡ್

22 Sep 2020 | 9:34 PM

 Sharesee more..

ಪೀಟ್ ಸಂಪ್ರಾಸ್ ದಾಖಲೆಯನ್ನು ಮೀರಿದ ಜೊಕೊವಿಚ್

22 Sep 2020 | 6:47 PM

 Sharesee more..