Wednesday, Jan 29 2020 | Time 00:52 Hrs(IST)
  • ಬತ್ತ, ತೊಗರಿಗೆ ಬೆಂಬಲ ಬೆಲೆ ಸಹಿತ ಪ್ರೋತ್ಸಾಹ ಧನ ಘೋಷಣೆ
  • ನಾನು ಸನ್ಯಾಸಿ ಅಲ್ಲ, ನನಗೂ ಸಹಜವಾಗಿ ರಾಜಕೀಯ ಅಪೇಕ್ಷೆಗಳಿವೆ: ಡಿಸಿಎಂ ಲಕ್ಷ್ಮಣ್ ಸವದಿ
Special Share

ಪೌರತ್ವ ಕಾಯ್ದೆ ವಿರುದ್ಧ ಪ್ರತಿಭಟನೆ : ಅಸ್ಸಾಂ ಉದ್ವಿಗ್ನ

ಗುವಾಹಟಿ, ಡಿ ೧೩ (ಯುಎನ್‌ಐ) ಪೌರತ್ವ ಕಾಯ್ದೆ ವಿರುದ್ಧ ನಡೆದಿರುವ ಪ್ರತಿಭಟನೆಗಳಿಂದಾಗಿ ಅಸ್ಸಾಂನದಲ್ಲಿ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಗಿದೆಯಾದರೂ, ಸದ್ಯಕ್ಕೆ ನಿಯಂತ್ರಣದಲ್ಲಿದೆ
ಪರಿಸ್ಥಿತಿ ವಿಕೋಪಕ್ಕೆ ತಿರುಗದಂತೆ ತಡೆಯಲು ಎರಡು ದಿನಗಳ ಹಿಂದೆ ಹೇರಿದ ಅನಿರ್ದಿಷ್ಟ ಕರ್ಫ್ಯೂ ರಾಜಧಾನಿ ಗುವಾಹಟಿಯಲ್ಲಿ ಶುಕ್ರವಾರ ಮುಂದುವರಿದಿದ್ದು, ಅಸ್ಸಾಂನ ದಿಬ್ರುಗಡದಲ್ಲಿ ಐದು ಗಂಟೆಗಳ ವಿಶ್ರಾಂತಿ ನೀಡಲಾಯಿತು. ಗುವಾಹಟಿಯಲ್ಲಿ ಕರ್ಫ್ಯೂ ನಡುವೆಯೇ ನಿತ್ಯೋಪಯೋಗಿ ವಸ್ತುಗಳನ್ನು ಖರೀದಿಸಲು ಸಾರ್ವಜನಿಕರು ಹೊರಬಂದಿದ್ದರು.
ಜನರಲ್ಲಿನ ಆತಂಕ ದೂರ ಮಾಡು ಉದ್ದೇಶದಿಂದ ಗುವಾಹಟಿಯ ಸೂಕ್ಷ್ಮ ಪ್ರದೇಶಗಳಲ್ಲಿ ಸೇನೆಯು ಧ್ವಜ ಮೆರವಣಿಗೆಯನ್ನು ಮುಂದುವರೆಸಿತು.
ಪ್ರಭಾವಿ ಆಲ್ ಅಸ್ಸಾಂ ಸ್ಟೂಡೆಂಟ್ಸ್ ಯೂನಿಯನ್ (ಎಎಎಸ್‌ಯು) ನೇತೃತ್ವದ ಪೌರತ್ವ ವಿರೋಧಿ ತಿದ್ದುಪಡಿ ಮಸೂದೆ (ಸಿಎಬಿ) ಪ್ರತಿಭಟನೆ ಮುಂದುವರೆದಿದ್ದು, ವಿದ್ಯಾರ್ಥಿ ಸಂಘವು ತಮ್ಮ ಹನ್ನೆರಡು ಗಂಟೆಗಳ ಧರಣಿ ಆಂದೋಲನವನ್ನು ಚನ್ಮಾರಿ ಕ್ಷೇತ್ರದಲ್ಲಿ ಇಲ್ಲಿ ಆಯೋಜಿಸಿತ್ತು.
ವಿಶೇಷವೆಂದರೆ, ಸಿಎಬಿ ವಿರುದ್ಧ ಎಎಎಸ್‌ಯು ಕೋಲಾಹಲವು ಈಗ ವಿವಿಧ ರಾಜಕೀಯ ಬಣಗಳಿಂದ ಬೆಂಬಲ ಪಡೆಯುತ್ತಿದೆ.
೨೦೧೪ ರ ಡಿಸೆಂಬರ್ ೩೧ ರ ಮೊದಲು ಭಾರತಕ್ಕೆ ಪ್ರವೇಶಿಸಿದ್ದ ಬಾಂಗ್ಲಾದೇಶ, ಪಾಕಿಸ್ತಾನ ಮತ್ತು ಅಫ್ಘಾನಿಸ್ತಾನದಿಂದ ಅಕ್ರಮ ಹಿಂದೂ, ಪಾರ್ಸಿ, ಸಿಖ್, ಜೈನ್, ಬೌದ್ಧ ಮತ್ತು ಕ್ರಿಶ್ಚಿಯನ್ ವಲಸಿಗರಿಗೆ ಭಾರತೀಯ ಪೌರತ್ವ ನೀಡುವ ಕಾಯ್ದೆ ವಿರುದ್ಧ ಈಶಾನ್ಯ ರಾಜ್ಯದಲ್ಲಿ ಪ್ರತಿಭಟನೆಗಳು ನಡೆದವು.
ಈಶಾನ್ಯ ರಾಜ್ಯಗಳ ಜನರು, ವಿಶೇಷವಾಗಿ ಅಸ್ಸಾಂ ಮತ್ತು ತ್ರಿಪುರಗಳು ನೆರೆಯ ಬಾಂಗ್ಲಾದೇಶದ ಮುಸ್ಲಿಮೇತರರಿಂದ "ಅತಿಕ್ರಮಿಸಲ್ಪಡುತ್ತವೆ" ಎಂಬ ಭಯದಿಂದಾಗಿ ಕಾಯ್ದೆಯನ್ನು ಹಿಂತೆಗೆದುಕೊಳ್ಳುವಂತೆ ಒತ್ತಾಯಿಸುತ್ತಿದ್ದಾರೆ.
ಯುಎನ್‌ಐ ಎಸ್‌ಎ ವಿಎನ್ ೧೧೦೩