Friday, Oct 30 2020 | Time 07:01 Hrs(IST)
Sports Share

ಬ್ಯಾಟಿಂಗ್‌ ಅಭ್ಯಾಸದ ವೇಳೆ ಗ್ಲಾಸ್ ಸ್ಕ್ರೀನ್‌ ಹೊಡೆದು ಹಾಕಿದ ಆಂಡ್ರೆ ರಸೆಲ್‌

ನವದೆಹಲಿ, ಸೆ 22 (ಯುಎನ್ಐ) ಕೋಲ್ಕತಾ ನೈಟ್‌ ರೈಡರ್ಸ್‌ ಹದಿಮೂರನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ನ ತನ್ನ ಆರಂಭಿಕ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ಸ್‌ ಮುಂಬೈ ಇಂಡಿಯನ್ಸ್ ವಿರುದ್ಧ ಸೆ.23(ಬುಧವಾರ) ಸೆಣಸಲಿದೆ. ಪಂದ್ಯದ ನಿಮಿತ್ತಾ ನೆಟ್ಸ್‌ನಲ್ಲಿ ಅಭ್ಯಾಸ ನಡೆಸುತ್ತಿದ್ದ ಬಿಗ್‌ ಹಿಟ್ಟರ್‌ ಆಂಡ್ರೆ ರಸೆಲ್‌ ದೊಡ್ಡ-ದೊಡ್ಡ ಹೊಡೆತಗಳನ್ನು ಸಿಡಿಸಿದರು.
ಈ ವಿಡಿಯೋವನ್ನು ಕೆಕೆಆರ್‌ ತನ್ನ ಅಧಿಕೃತ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್‌ ಮಾಡಿದೆ. ರಸೆಲ್‌ ಎಲ್ಲಾ ಕಡೆಗೂ ಚೆಂಡನ್ನು ಬಲವಾಗಿ ಹೊಡೆದಿರುವುದು ಕಂಡುಬಂದಿದೆ. ಈ ವೇಳೆ ಅವರು ತಮ್ಮ ಬಲವಾದ ಹೊಡೆತದಿಂದ ಗ್ಲಾಸ್‌ ಸ್ಕ್ರೀನ್‌ ಹೊಡೆದು ಹಾಕಿದರು. "ಓ.. ಗೋಷ್‌! ಅದು ಹೊಡೆದಾಯ್ತು- ಕೊನೆಯ ಶಾಟ್‌ವರೆಗೂ ಕಾಯಿರಿ..#ಮಸ್ಕಲ್‌ರಸೆಲ್‌ ಅತ್ಯುತ್ತಮವಾದದನ್ನು ನೀಡಲು ತಯಾರಿಯಾಗುತ್ತಿದ್ದಾರೆ!" ಎಂದು ಅಪ್‌ಲೋಡ್‌ ಮಾಡಿರುವ ವಿಡಿಯೋಗೆ ಕೆಕೆಆರ್‌ ಈ ರೀತಿಯ ಶೀರ್ಷಿಕೆ ನೀಡಿದೆ.
ಆಂಡ್ರೆ ರಸೆಲ್‌ ವೆಸ್ಟ್ ಇಂಡೀಸ್‌ನಲ್ಲಿ ಇತ್ತೀಚೆಗೆ ಮುಗಿದಿದ್ದ ಕೆರಿಬಿಯನ್‌ ಪ್ರೀಮಿಯರ್‌ ಲೀಗ್‌ ಆಡಿದ ಬಳಿಕ ಅದೇ ಫಾರ್ಮ್‌ನಲ್ಲಿ ದುಬೈಗೆ ಆಗಮಿಸಿದ್ದು, ಇದೀಗ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ನಲ್ಲಿ ಕೋಲ್ಕತಾ ನೈಟ್‌ ರೈಡರ್ಸ್‌ಗೆ ಬಲ ತಂದುಕೊಡಲಿದ್ದಾರೆ. ಇವರ ಜತೆಗೆ ಇಂಗ್ಲೆಂಡ್ ಹಾಗೂ ಆಸ್ಟ್ರೇಲಿಯಾ ನಡುವೆ ಇತ್ತೀಚೆಗೆ ಮುಕ್ತಾಯವಾಗಿದ್ದ ಸೀಮಿತ ಓವರ್‌ಗಳ ಸರಣಿಯಲ್ಲಿ ಭಾಗವಹಿಸಿದ್ದ ಟಾಮ್‌ ಬ್ಯಾಂಟನ್‌ ಹಾಗೂ ಪ್ಯಾಟ್‌ ಕಮಿನ್ಸ್‌ ಅವರಿಂದ ಕೆಕೆಆರ್‌ಗೆ ಲಾಭವಾಗಲಿದೆ.
ಈ ಎಲ್ಲಾ ಆಟಗಾರರು ಕೋವಿಡ್‌-19 ಸಾಂಕ್ರಾಮಿಕ ರೋಗದ ನಡುವೆ ಕ್ರಿಕೆಟ್‌ನಲ್ಲಿ ತೊಡಗಿಸಿಕೊಂಡಿದ್ದರು. ಆದ್ದರಿಂದ ಇತರೆ ಆಟಗಾರರಿಗಿಂತ ಹೆಚ್ಚು ಇವರು ಸಕ್ರಿಯರಾಗಿದ್ದಾರೆ. ಇದನ್ನು ನಾಯಕ ದಿನೇಶ್‌ ಕಾರ್ತಿಕ್‌ ಹೇಗೆ ಸದುಪಯೋಗ ಪಡಿಸಿಕೊಳ್ಳಲಿದ್ದಾರೆ ಎಂಬುದನ್ನು ಕಾದು ನೋಡಬೇಕಾಗಿದೆ.
ಆಂಡ್ರೆ ರಸೆಲ್‌ ಐಪಿಎಲ್‌ ಟೂರ್ನಿಯಲ್ಲಿಯೇ ಅತ್ಯಂತ ಭಯಾನಕ ಸ್ಟ್ರೈಕರ್‌ ಆಗಿದ್ದಾರೆ. ಕಳೆದ ಎಂಟು ವರ್ಷಗಳ ಐಪಿಎಲ್‌ ವೃತ್ತಿ ಜೀವನದಲ್ಲಿ ಅವರು ಸ್ಟ್ರೈಕ್‌ ರೇಟ್‌ 186.41 ಹಾಗೂ ಸರಾಸರಿ ಓವರ್‌ಗೆ 33.33 ರಷ್ಟಿದೆ. 2019ರ ಆವೃತ್ತಿಯಲ್ಲಿ ಅವರು 56.66ರ ಸರಾಸರಿಯಲ್ಲಿ 510 ರನ್‌ಗಳನ್ನು ಗಳಿಸಿದ್ದರು. ಇದು ದಿನೇಶ್‌ ಕಾರ್ತಿಕ್‌ ನಾಯಕತ್ವದ ತಂಡಕ್ಕೆ ಅತ್ಯಂತ ಮೌಲ್ಯಯುತವಾಗಿದೆ.
ಅಲ್ಲದೆ, 11 ವಿಕೆಟ್‌ಗಳನ್ನು ಪಡೆಯುವ ಮೂಲಕ ಬೌಲಿಂಗ್‌ನಲ್ಲಿಯೂ ತಂಡಕ್ಕೆ ಆಸರೆಯಾಗಿದ್ದರು. ಆದರೂ ಕಳೆದ ಆವೃತ್ತಿಯಲ್ಲಿ ಇತರೆ ಆಟಗಾರ ಕಳಪೆ ಪ್ರದರ್ಶನದಿಂದ ಕೋಲ್ಕತಾ ಫ್ರಾಂಚೈಸಿ ಪ್ಲೇಆಫ್‌ ತಲುಪುವಲ್ಲಿ ವಿಫಲವಾಗಿತ್ತು. 14 ಪಂದ್ಯಗಳಲ್ಲಿ ಎಂಟು ಪಂದ್ಯಗಳಲ್ಲಿ ಸೋತು, ಆರು ಹಣಾಹಣಿಗಳಲ್ಲಿ ಗೆಲುವು ಪಡೆದಿತ್ತು.
ಯುಎನ್ಐ ಆರ್‌ಕೆ 1844
More News

ಡಿಡಿಸಿಎ ಸಭೆ ಡಿಸೆಂಬರ್ ವರೆಗೆ ಮುಂದೂಡಿಕೆ

29 Oct 2020 | 10:50 PM

 Sharesee more..
ಮುಂಬೈ ಇಂಡಿಯನ್ಸ್‌ ವಿರುದ್ಧ ಆರ್‌ಸಿಬಿ ಸೋಲಿಗೆ ಕಾರಣ ಕೊಟ್ಟ ಕ್ಯಾಪ್ಟನ್ ಕೊಹ್ಲಿ

ಮುಂಬೈ ಇಂಡಿಯನ್ಸ್‌ ವಿರುದ್ಧ ಆರ್‌ಸಿಬಿ ಸೋಲಿಗೆ ಕಾರಣ ಕೊಟ್ಟ ಕ್ಯಾಪ್ಟನ್ ಕೊಹ್ಲಿ

29 Oct 2020 | 9:06 PM

ಅಬುಧಾಬಿ, ಅ 29 (ಯುಎನ್‌ಐ) ಮುಂಬೈ ಇಂಡಿಯನ್ಸ್ ವಿರುದ್ಧ ಐದು ವಿಕೆಟ್ ಸೋಲು ಅನುಭವಿಸಿದ ನಂತರ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ವಿರಾಟ್ ಕೊಹ್ಲಿ ಎದುರಾಳಿ ಬೌಲರ್‌ಗಳನ್ನು ಹೊಗಳಿದ್ದಾರೆ.

 Sharesee more..