Thursday, Aug 22 2019 | Time 00:07 Hrs(IST)
Sports Share

ಭಾರತ ಕಿರಿಯರ ಫುಟ್ಬಾಲ್‌ ತಂಡ ಟರ್ಕಿ ಪ್ರವಾಸ

ನವದೆಹಲಿ, ಜು 4 (ಯುಎನ್‌ಐ) ಎಎಫ್‌ಸಿ19 ವಯೋಮಿತಿ ಚಾಂಪಿಯನ್‌ಶಿಪ್‌ ಅರ್ಹತಾ ಸುತ್ತಿನ ಪಂದ್ಯಗಳಿಗೆ ಪೂರ್ವ ತಯಾರಿಗಾಗಿ ಭಾರತ(19) ಕಿರಿಯರ ಫುಟ್ಬಾಲ್‌ ತಂಡ ಜುಲೈ 19 ರಂದು ಟರ್ಕಿ ಪ್ರವಾಸ ಕೈಗೊಳ್ಳಲಿದ್ದು, ಜೋರ್ಡನ್‌ ಹಾಗೂ ಓಮನ್ ವಿರುದ್ಧ ಕಾದಾಟ ನಡೆಸಲಿದೆ.
ಭಾರತ 19 ವಯೋಮಿತಿ ತಂಡದ ಕೆಲ ಆಟಗಾರರು ರಾಷ್ಟ್ರೀಯ ಹಿರಿಯರ ತಂಡದೊಂದಿಗೆ ಅಭ್ಯಾಸ ನಡೆಸಿದ ಅನುಭವ ಹೊಂದಿದ್ದಾರೆ. ಅಮರಜೀತ್‌ ಸಿಂಗ್‌, ಸುರೇಶ್‌ ಸಿಂಗ್‌, ಬೊರಿಸ್‌ ಸಿಂಗ್‌ ಹಾಗೂ ನರೇಂದ್ರ ಅವರು ರಾಷ್ಟ್ರೀಯ ಶಿಬಿರದಲ್ಲಿ ನಿರಂತರವಾಗಿ ಭಾಗವಹಿಸಿದ್ದರು. 17 ವಯೋಮಿತಿ ಫಿಫಾ ವಿಶ್ವಕಪ್‌ ಟೂರ್ನಿಯಲ್ಲಿ ಭಾರತವನ್ನು ಮುನ್ನಡೆಸಿದ್ದ ಅಮರ್‌ಜೀತ್‌ ಸಿಂಗ್‌ ಕೂಡ ತಂಡದಲ್ಲಿದ್ದಾರೆ.
"ಸಾಧ್ಯವಾದಷ್ಟು ಹೆಚ್ಚು ಅಂತಾರಾಷ್ಟ್ರೀಯ ಪಂದ್ಯಗಳಾಡುವ ಮೂಲಕ ತಂಡವನ್ನು ಇನ್ನಷ್ಟು ಬಲಿಷ್ಟಗೊಳಿಸುವ ಕಡೆ ಗಮನ ಹರಿಸಲಾಗುವುದು. ಟರ್ಕಿ ಪ್ರವಾಸ ನಮ್ಮ ತಂಡದ ಸಾಮಾರ್ಥ್ಯ ಪರೀಕ್ಷೆ ಮಾಡಲು ಅತ್ಯುತ್ತಮ ವೇದಿಕೆಯಾಗಿದೆ ಎಂದು ತಂಡದ ಕೋಚ್‌ ಫ್ಲೋಯ್ಡ್‌ ಪಿಂಟೋ ತಿಳಿಸಿದ್ದಾರೆ.
ಭಾರತ ತಂಡ ಜುಲೈ 19 ಹಾಗೂ 22 ರಂದು ಓಮನ್‌ ವಿರುದ್ಧ ಹಾಗೂ 24 ರಂದು ಜೋರ್ಡನ್‌ ವಿರುದ್ಧ ಆಡಲಿದೆ. ಜತೆಗೆ, ಸ್ಥಳೀಯ ಕ್ಲಬ್‌ವೊಂದರ ವಿರುದ್ಧ ಒಂದು ಪಂದ್ಯವಾಡಲಿದೆ.
ಆಯ್ಕೆಯಾದ 23 ಆಟಗಾರರು:
ಗೋಲ್ ಕೀಪರ್‌ಗಳು: ಪ್ರಭಾಸುಖನ್‌ ಸಿಂಗ್‌ ಗಿಲ್‌, ನೀರಜ್‌ ಕುಮಾರ್‌, ಲಾಲ್ಬಿಯಾಂಕುಲ್‌ ಜೊಂಗ್ಟೆ
ಡಿಫೆಂಡರ್‌ಗಳು: ಜಿತೇಂದ್ರ ಸಿಂಗ್‌, ನರೇಂದರ್‌,ಗುರುಕೀರತ್‌ ಸಿಂಗ್‌, ಸುಮಿತ್‌ ರತಿ, ಮುಹಮ್ಮದ್‌ ರಫಿ, ಆಕಾಶ್‌ ಮಿಶ್ರಾ, ಬಿಕಾಶ್‌ ಯುಮ್ನಾಮ್‌, ಮನೀಶ್‌ ಚೌಧರಿ, ತೋಯ್ಬಾ ಸಿಂಗ್‌
ಮಿಡ್‌ಫೀಲ್ಡರ್‌ಗಳು: ಅಮರ್‌ಜೀತ್‌ ಸಿಂಗ್‌, ಜೀಕ್ಸನ್‌ ಸಿಂಗ್‌, ನಿಂಥೊಯ್‌ಗಂಬ ಮಿತೀಯ್‌, ಗಿವ್ಸನ್‌ ಸಿಂಗ್‌, ರಿಕ್ಕಿ ಶಬಾಂಗ್‌, ಸೈಲೊ ಲಾಲ್ಚನ್ಹಿಮಿಯಾ, ರಾಬಿನ್‌ ಯಾದವ್‌
ಮುಂಚೂಣಿ ಆಟಗಾರರು: ಹರ್ಮನ್‌ಪ್ರೀತ್‌ ಸಿಂಗ್‌, ವಿಕ್ರಮ್‌ ಪ್ರತಾಪ್‌ ಸಿಂಗ್‌, ರೋಹಿತ್‌ ಧನು, ರಿಡ್ಜೆ ದೆಮೆಲ್ಲೊ
ಯುಎನ್‌ಐ ಆರ್‌ಕೆ ಎಎಚ್‌ 1423