Saturday, Sep 26 2020 | Time 23:01 Hrs(IST)
  • ಮುಖ್ಯಮಂತ್ರಿ ಮಾತಿಗೂ ಬೆಲೆಕೊಡದ ಆಡಳಿತ ಪಕ್ಷದ ಶಾಸಕರು-ನಿಮ್ಮ ಹಣೆಬರಹ ಏನುಬೇಕಾದರೂ ಮಾಡಿಕೊಳ್ಳಿ; ಯಡಿಯೂರಪ್ಪ
  • ರಾಜ್ಯದಲ್ಲಿ 8811 ಕೋವಿಡ್‌ ಪ್ರಕರಣಗಳು ವರದಿ; ಒಟ್ಟು ಸೋಂಕಿತರ ಸಂಖ್ಯೆ 5 66 ಲಕ್ಷಕ್ಕೇರಿಕೆ
  • ಕುಟುಂಬದ ವಿರುದ್ಧ ಆರೋಪ ಸಾಬೀತಾದರೆ ಸಿಎಂ ಸ್ಥಾನಕ್ಕೆ ರಾಜೀನಾಮೆ : ಆರೋಪ ಸಾಬೀತುಮಾಡಲು ಸಾಧ್ಯವಾಗದ್ದರೆ ನೀವು ರಾಜೀನಾಮೆ ನೀಡಿ-ಯಡಿಯೂರಪ್ಪ
  • ಬಿಡಿಎ ಹಗರಣ: ಆರೋಪ ತಾಬೀತುಪಡಿಸಿದರೆ ರಾಜಕೀಯ ನಿವೃತ್ತಿ- ಸಿದ್ದರಾಮಯ್ಯ
  • ಕೋವಿಡ್ ನಡುವೆಯೂ ಜಮ್ಮು-ಕಾಶ್ಮೀರದಲ್ಲಿ ಕಲ್ಲು ತೂರಾಟ, ಭಯೋತ್ಪಾದನೆ ನಿಗ್ರಹಿಸಿದ ಸೇನೆಗೆ ಸಿಆರ್ ಪಿಎಫ್ ಶ್ಲಾಘನೆ
  • ಅವಿಶ್ವಾಸ ನಿರ್ಣಯ ಡಿವಿಷನ್ ಹಾಕಲ್ಲ-ಧ್ವನಿಮತದ ಮೂಲಕ ನಡೆಸಲು ತೀರ್ಮಾನ: ಸ್ಪೀಕರ್ ಕಾಗೇರಿ
  • ಭೂ ಸುಧಾರಣಾ ಕಾಯ್ದೆ ವಿಚಾರದಲ್ಲಿ ಜೆಡಿಎಸ್ ದ್ವಂದ್ವ ನಿಲುವು-ಮಾಜಿ ಪ್ರಧಾನಿ ಎಚ್ ಡಿ ದೇವೇಗೌಡರು ಕಾಯ್ದೆ ವಿರುದ್ಧ,ಮಗ ಮಾಜಿ ಮುಖ್ಯಮಂತ್ರಿ ಕಾಯ್ದೆ ಪರ ನಿಲುವು
  • ನಡ್ಡಾ ಹೊಸ ತಂಡ ರಚನೆ: 12 ಉಪಾಧ್ಯಕ್ಷರು, ಎಂಟು ಪ್ರಧಾನ ಕಾರ್ಯದರ್ಶಿಗಳು ಸೇರಿದಂತೆ ಬಿಜೆಪಿ ಹೊಸ ಪದಾಧಿಕಾರಿಗಳ ನೇಮಕ
  • ಲಡಾಕ್‌ ಸಂಸದರು ಮತ್ತು ಸಾರ್ವಜನಿಕ ಪ್ರತಿನಿಧಿಗಳನ್ನು ಭೇಟಿಯಾದ ಅಮಿತ್‌ ಶಾ
  • ವಿಶ್ವಸಂಸ್ಥೆಗೆ ಪರೋಕ್ಷ ಎಚ್ಚರಿಕೆ- ನಿರ್ಧಾರಗಳಿಂದ ಭಾರತವನ್ನು ಎಷ್ಟು ಕಾಲ ಹೊರಗಿಡಲು ಸಾಧ್ಯ? -ಪ್ರಧಾನಿ ಮೋದಿ
  • ವಿಶ್ವಸಂಸ್ಥೆಯಿಂದ ಭಾರತ ಇನ್ನೆಷ್ಟು ಕಾಲ ದೂರ ಇರಿಸುತ್ತೀರಿ: ಪ್ರಧಾನಿ ಮೋದಿ ತೀಕ್ಷ್ಣ ಪ್ರಶ್ನೆ
  • ಕಾಂಗ್ರೆಸ್-ಜೆಡಿಎಸ್ ಸಭಾತ್ಯಾಗದ ನಡುವೆ ಕೃಷಿ ಉತ್ಪನ್ನ ಮಾರುಕಟ್ಟೆ ವ್ಯವಹಾರ ವಿಧೇಯಕಕ್ಕೆ ಅನುಮೋದನೆ
  • ಯಾವುದೇ ಸಾಂಕ್ರಾಮಿಕ ರೋಗ ವಿರುದ್ಧ ಹೋರಾಡಲು ವಿಜ್ಞಾನ ಸದಾ ಮುಂದುವರೆದಿದೆ- ತಜ್ಞರ ಪ್ರತಿಪಾದನೆ
  • ಬಿಜೆಪಿ ನೂತನ ಪದಾಧಿಕಾರಿಗಳ ಪಟ್ಟಿ ಪ್ರಕಟ: ಸಿ ಟಿ ರವಿ, ತೇಜಸ್ವಿ ಸೂರ್ಯಗೆ ಸ್ಥಾನ
  • ವ್ಯಭಿಚಾರ ಅಪರಾಧ ವಲ್ಲ : ಮುಂಬೈ ಹೈಕೋರ್ಟ್
Karnataka Share

ರಾಜ್ಯದಲ್ಲಿ ಜಿ.ಎಸ್.ಟಿ. ತೆರಿಗೆ ವಂಚನೆ ಮೊತ್ತದ ಪ್ರಮಾಣ ಈ ಬಾರಿ ದುಪ್ಪಟ್ಟುಗೊಳ್ಳಲಿದೆ: ಎ.ಪಿ. ನಾಗೇಂದ್ರ ಕುಮಾರ್

ರಾಜ್ಯದಲ್ಲಿ ಜಿ.ಎಸ್.ಟಿ. ತೆರಿಗೆ ವಂಚನೆ ಮೊತ್ತದ ಪ್ರಮಾಣ ಈ ಬಾರಿ ದುಪ್ಪಟ್ಟುಗೊಳ್ಳಲಿದೆ: ಎ.ಪಿ. ನಾಗೇಂದ್ರ ಕುಮಾರ್
ರಾಜ್ಯದಲ್ಲಿ ಜಿ.ಎಸ್.ಟಿ. ತೆರಿಗೆ ವಂಚನೆ ಮೊತ್ತದ ಪ್ರಮಾಣ ಈ ಬಾರಿ ದುಪ್ಪಟ್ಟುಗೊಳ್ಳಲಿದೆ: ಎ.ಪಿ. ನಾಗೇಂದ್ರ ಕುಮಾರ್

ಬೆಂಗಳೂರು, ಡಿ 7 [ಯುಎನ್ಐ] ರಾಜ್ಯದಲ್ಲಿ ಸರಕು ಮತ್ತು ಸೇವಾ ತೆರಿಗೆ - ಜಿ.ಎಸ್.ಟಿ ಯಲ್ಲಿ ತೆರಿಗೆ ವಂಚಿಸುತ್ತಿರುವ ಪ್ರಕರಣಗಳನ್ನು ಅತ್ಯಂತ ವ್ಯವಸ್ಥಿತವಾಗಿ ಪತ್ತೆ ಮಾಡುತ್ತಿದ್ದು, ಪ್ರಸಕ್ತ ಹಣಕಾಸು ವರ್ಷದಲ್ಲಿ 1600 ಕೋಟಿ ರೂ ಮೊತ್ತದಷ್ಟು ವಂಚನೆ ಪತ್ತೆ ಮಾಡುವ ನಿರೀಕ್ಷೆಯಿದೆ ಎಂದು ಬೆಂಗಳೂರು ಜಿ.ಎಸ್.ಟಿ. ವಲಯದ ಪ್ರಧಾನ ಮುಖ್ಯ ಆಯುಕ್ತ ಎ.ಪಿ. ನಾಗೇಂದ್ರ ಕುಮಾರ್ ಹೇಳಿದ್ದಾರೆ.

ಕಳೆದ ವರ್ಷ 800 ಕೋಟಿ ರೂ ಮೊತ್ತದ ತೆರಿಗೆ ವಂಚನೆ ಪ್ರಕರಣಗಳನ್ನು ಪತ್ತೆ ಮಾಡಲಾಗಿದ್ದು, ಇದರಲ್ಲಿ 300 ಕೋಟಿ ತೆರಿಗೆ ವಸೂಲಿ ಮಾಡಲಾಗಿತ್ತು. ಈ ವರ್ಷ ಈ ಪ್ರಮಾಣ ದ್ವಿಗುಣಗೊಳ್ಳಲಿದೆ. ತೆರಿಗೆ ವಂಚನೆಯ ಮೇಲೆ ಸದಾ ನಿಗಾ ಇಡುತ್ತಿದ್ದು, ಪ್ರತಿಯೊಂದು ಹಂತದಲ್ಲೂ ಕಣ್ಗಾವಲು ಬಿಗಿಗೊಳಿಸಲಾಗಿದೆ ಎಂದರು.

ದೇಶದಲ್ಲಿ ಸರಕು ಮತ್ತು ಸೇವಾ ತೆರಿಗೆ ವ್ಯವಸ್ಥೆ ಜಾರಿಗೆ ಬಂದು 28 ತಿಂಗಳು ಕಳೆದಿದ್ದು, ಈ ವರೆಗೆ ದೇಶದಲ್ಲಿ 90 ಸಾವಿರ ಕೋಟಿ ರೂ ಮೊತ್ತದ ತೆರಿಗೆ ವಂಚನೆ ಪತ್ತೆ ಮಾಡಲಾಗಿದೆ. ವಂಚನೆ ಪತ್ತೆಗೆ ವಿವಿಧ ಇಲಾಖೆಗಳ ಸಹಕಾರ ಪಡೆಯಲಾಗುತ್ತಿದೆ ಎಂದರು.

ಬೆಂಗಳೂರಿನ ಟರ್ಫ್ ಕ್ಲಬ್ ನಲ್ಲಿ ಬೆಟ್ಟಿಂಗ್ ಸಂದರ್ಭದಲ್ಲಿ ತೆರಿಗೆ ವಂಚಿಸುತ್ತಿದ್ದ ಪ್ರಕರಣವನ್ನು ಸಿಸಿಬಿ ಪೊಲೀಸರು ಪತ್ತೆ ಮಾಡಿರುವ ವಿಚಾರ ಇನ್ನೂ ಅಧಿಕೃತವಾಗಿ ನಮ್ಮ ಗಮನಕ್ಕೆ ಬಂದಿಲ್ಲ. ಆದರೆ ತೆರಿಗೆ ವಂಚನೆ ಮಾಹಿತಿ ಲಭ್ಯವಾಗಿದೆ. ಕಳೆದ ತಿಂಗಳು ಟರ್ಫ್ ಕ್ಲಬ್ ನ್ಯಾಯಾಲಯದ ಸೂಚನೆ ಮೇರೆಗೆ 140 ಕೋಟಿ ರೂ ಮೊತ್ತದ ಜಿ.ಎಸ್.ಟಿ. ತೆರಿಗೆ ಪಾವತಿಸಿತ್ತು. ಜೂಜಾಟದ ಮೇಲೂ ತೆರಿಗೆ ಇದ್ದು. ಅದನ್ನು ಪಾವತಿ ಮಾಡುವುದು ಕಡ್ಡಾಯವಾಗಿದೆ ಎಂದು ಹೇಳಿದರು.

ಈ ವೇ ಬಿಲ್ ವ್ಯವಸ್ಥೆ ಜಾರಿಗೆ ಬಂದ ನಂತರ ಚೆಕ್ ಪೋಸ್ಟ್ ಗಳ ಸಮಸ್ಯೆ ಸಂಪೂರ್ಣವಾಗಿ ನಿವಾರಣೆಯಾಗಿದೆ. 50 ಸಾವಿರ ರೂ ಗಿಂತ ಹೆಚ್ಚಿನ ಮೊತ್ತದ ಸರಕು ಸಾಗಾಣೆ ಮಾಡುವಾಗ ಕಡ್ಡಾಯವಾಗಿ ಇ ವೇ ಬಿಲ್ ತೆಗೆದುಕೊಂಡು ಹೋಗಬೇಕು ಎಂದು ಸಲಹೆ ಮಾಡಿದರು.

ಬರುವ 2020 ರಿಂದ ದೇಶಾದ್ಯಂತ ಜಿ.ಎಸ್.ಟಿ. ರಿಟರ್ನ್ ಸಲ್ಲಿಸುವ ವ್ಯವಸ್ಥೆಯನ್ನು ಸರಳಗೊಳಿಸುತ್ತಿದ್ದು, ಇದಕ್ಕಾಗಿ ಹೊಸ ಸಂಪರ್ಕ ಜಾಲ ಸಿದ್ಧಪಡಿಸಲಾಗಿದೆ. ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರ ನಿರ್ದೇಶನದ ಮೇರೆಗೆ ಇಂದಿನಿಂದ ಹೊಸ ಸರಳೀಕೃತ ವ್ಯವಸ್ಥೆಯನ್ನು ಪ್ರಯೋಗಿಕವಾಗಿ ಬಳಕೆಗೆ ಅವಕಾಶ ಮಾಡಿಕೊಡಲಾಗಿತ್ತು. ಇದು ಅತ್ಯಂತ ಸುಸಜ್ಜಿತ ತಂತ್ರಾಂಶವಾಗಿದೆ ಎಂದರು.

ಬೆಂಗಳೂರಿನ ಎಂಟು ಕೇಂದ್ರಗಳು ಸೇರಿದಂತೆ ರಾಜ್ಯದ ಹಲವು ಕೇಂದ್ರಗಳಲ್ಲಿ ಜಿ.ಎಸ್.ಟಿ. ರಿಟರ್ನ್ ಸಲ್ಲಿಸುವ ಹೊಸ ವ್ಯವಸ್ಥೆಗೆ ಶೇ 70 ರಷ್ಟು ಮಂದಿ ಉತ್ತಮ ಪ್ರತಿಕ್ರಿಯೆ ನೀಡಿದ್ದಾರೆ. ಒಟ್ಟಾರೆ 2150 ಮಂದಿ ಈ ಕೇಂದ್ರಗಳಿಗೆ ಭೇಟಿ ನೀಡಿದ್ದು, 1350 ಮಂದಿ ಪ್ರತಿಕ್ರಿಯೆ ಕೊಟ್ಟಿದ್ದಾರೆ. ನೀಡಿರುವ ಸಲಹೆಗಳನ್ನು ಪರಿಗಣಿಸಿ ಸುಧಾರಣೆಗೆ ಕ್ರಮ ಕೈಗೊಳ್ಳಲಾಗುವುದು ಎಂದು ಎ.ಪಿ. ನಾಗೇಂದ್ರ ಕುಮಾರ್ ತಿಳಿಸಿದರು.

ಹೊಸ ಸುಧಾರಿತ ಜಿ.ಎಸ್.ಟಿ. ರಿಟರ್ನ್ ಸಲ್ಲಿಸುವ ಪ್ರಕ್ರಿಯೆಯಲ್ಲಿ ಸರಳತೆಗೆ ಒತ್ತು ನೀಡಿದ್ದು, ಕೊನೆ ಹಂತದಲ್ಲಿ ರಿಟರ್ನ್ ಸಲ್ಲಸುವ ಸಂದರ್ಭದಲ್ಲೂ ಹ್ಯಾಂಗ್ ಅಥವಾ ಜಾಮ್ ಆಗುವುದಿಲ್ಲ. ರಾಜ್ಯದಲ್ಲಿ ಒಟ್ಟು 9 ಲಕ್ಷ ಮಂದಿ ಜಿ.ಎಸ್.ಟಿ. ವ್ಯಾಪ್ತಿಯಲ್ಲಿ ನೋಂದಣಿಯಾಗಿದ್ದು, ಇವರ ರಿಟರ್ನ್ ಸಲ್ಲಿಸುವ ತಾಂತ್ರಿಕ ಸಮಸ್ಯೆಗಳಿಗೆ ಶಾಶ್ವತ ಪರಿಹಾರ ದೊರಕಿಸಲು ಪ್ರಯತ್ನಿಸುವುದಾಗಿ ಭರವಸೆ ನೀಡಿದರು.

ಯುಎನ್ಐ ವಿಎನ್ 1943

More News