Monday, Sep 16 2019 | Time 06:11 Hrs(IST)
business economy Share

ವೃತ್ತಿಜೀವನದ ಕೌಶಲ್ಯಗಳೊಂದಿಗೆ ವಿದ್ಯಾರ್ಥಿಗಳನ್ನು ಸಜ್ಜುಗೊಳಿಸಲು ಎಐಸಿಟಿಇ, ಟಿಸಿಎಸ್‌ ಒಪ್ಪಂದ

ನವದೆಹಲಿ, ಜುಲೈ 10 (ಯುಎನ್‌ಐ) ತಾಂತ್ರಿಕ ಶಿಕ್ಷಣಕ್ಕಾಗಿ ರಾಷ್ಟ್ರಮಟ್ಟದ ಉನ್ನತ ಸಲಹಾ ಮತ್ತು ನಿಯಂತ್ರಕ ಸಂಸ್ಥೆಯಾಗಿರುವ ಅಖಿಲ ಭಾರತ ತಾಂತ್ರಿಕ ಶಿಕ್ಷಣ ಮಂಡಳಿ(ಎಐಸಿಟಿಇ) ಮತ್ತು ಟಾಟಾ ಕನ್ಸಲ್ಟೆನ್ಸಿ ಸರ್ವೀಸ್‌(ಟಿಸಿಎಸ್) ವೃತ್ತಿಜೀವನದ ಕೌಶಲ್ಯಗಳೊಂದಿಗೆ ವಿದ್ಯಾರ್ಥಿಗಳನ್ನು ಸಜ್ಜುಗೊಳಿಸಲು ಒಪ್ಪಂದಕ್ಕೆ ಸಹಿ ಹಾಕಿವೆ.
ಒಪ್ಪಂದದಂತೆ 10,000ಕ್ಕೂ ಹೆಚ್ಚು ಎಐಸಿಟಿಇ ಅನುಮೋದಿತ ಸಂಸ್ಥೆಗಳ ವಿದ್ಯಾರ್ಥಿಗಳು ಟಿಸಿಎಸ್ ಕೋರ್ಸ್‌ಗೆ ಉಚಿತ ಪ್ರವೇಶವನ್ನು ಪಡೆಯುತ್ತಾರೆ. ಈ ಕೋರ್ಸ್‌ ವಿದ್ಯಾರ್ಥಿಗಳಿಗೆ ತಮ್ಮ ಪದವಿ ಕೋರ್ಸ್‌ನ ಅವಧಿಯುದ್ದಕ್ಕೂ ಉಚಿತವಾಗಿ ಲಭ್ಯವಿರುತ್ತದೆ.
ಟಿಸಿಎಸ್‌ನ ಭಾಗವಾದ ಟಿಸಿಎಸ್ ಅಯಾನ್, ಕಾರ್ಪೊರೇಟ್ ಶಿಷ್ಟಾಚಾರ, ಪರಿಣಾಮಕಾರಿ ಇಮೇಲ್ ಬರವಣಿಗೆ, ಪರಿಣಾಮಕಾರಿ ಪ್ರೆಸೆಂಟೆಷನ್‌, ಐಟಿ ಜಾಗೃತಿ ಮುಂತಾದ ಉದ್ಯಮ ಅಗತ್ಯ ವಿಷಯಗಳನ್ನು ಒಳಗೊಂಡಿರುವ 20 ಗಂಟೆಗಳ ಅವಧಿಯ ಉಚಿತ ವೃತ್ತಿ ಕೌಶಲ್ಯ ಕೋರ್ಸ್ ಅನ್ನು ನೀಡಲಿದೆ.
ಟಿಸಿಎಸ್‌ ಅಯಾನ್‌ ಡಿಜಿಟಲ್‌ ವೇದಿಕೆಯಾಗಿದ್ದು, ನೋಂದಾಯಿತ ಬಳಕೆದಾರರು ಎಲ್ಲಿ ಬೇಕಾದರೂ, ಯಾವಾಗ ಬೇಕಾದರೂ ಇದರ ಪಠ್ಯಗಳನ್ನು ಪಡೆಯಬಹುದಾಗಿದೆ.
ಯುಎನ್‌ಐ ಕೆಎಸ್‌ವಿ ವಿಎನ್‌ಎಲ್‌ 2022
More News

ವಿದೇಶಿ ವಿನಿಮಯ 1 ಶತಕೋಟಿ ಡಾಲರ್‌ ಏರಿಕೆ

15 Sep 2019 | 12:27 PM

 Sharesee more..
ಏಸುಸ್ ಸಂಸ್ಥೆಯ 'ಎಕ್ಸ್‌ಕ್ಲ್ಯೂಸಿವ್ ಸ್ಟೋರ್' ಬೆಂಗಳೂರಿನಲ್ಲಿ ಆರಂಭ

ಏಸುಸ್ ಸಂಸ್ಥೆಯ 'ಎಕ್ಸ್‌ಕ್ಲ್ಯೂಸಿವ್ ಸ್ಟೋರ್' ಬೆಂಗಳೂರಿನಲ್ಲಿ ಆರಂಭ

13 Sep 2019 | 7:11 PM

ಬೆಂಗಳೂರು, ಸೆ 13 (ಯುಎನ್ಐ) ತಂತ್ರಜ್ಞಾನ ದಿಗ್ಗಜ ಏಸುಸ್ ಸಂಸ್ಥೆಯು ಅತ್ಯಾಧುನಿಕ ಮಳಿಗೆಯನ್ನು ನಗರದ ಕೋರಮಂಗಲದಲ್ಲಿ ತೆರೆಯಲಾಗಿದ್ದು, ಸಂಸ್ಥೆಯ ರಾಷ್ಟ್ರೀಯ ಮಾರಾಟ ಮುಖ್ಯಸ್ಥ ಜಿಗ್ನೆಶ್ ಭಾವ್ಸರ್ ಮತ್ತು ಮಳಿಗೆಯ ಮಾಲೀಕ ಗೌರವ್ ಡಿ ಜೈನ್ ಶುಕ್ರವಾರ ಉದ್ಘಾಟಿಸಿದರು,

 Sharesee more..