Tuesday, Sep 22 2020 | Time 06:54 Hrs(IST)
Sports Share

ಸಿಒಎ ವಿರುದ್ಧ ಜಮ್ಮು ಮಾಜಿ ಕ್ರಿಕೆಟಿಗರ ಅಸಮಾಧಾನ

ಜಮ್ಮು, ಜು 22, (ಯುಎನ್ಐ)-ಆಟಗಾರರ ಹಿತ ದೃಷ್ಟಿಯಿಂದ ಲೋಧಾ ಸಮಿತಿಯ ಶಿಫಾರಸನ್ನು ಶೀಘ್ರ ಜಾರಿಗೆ ಒತ್ತಾಯಿಸಿರುವ ಜಮ್ಮು-ಕಾಶ್ಮೀರದ ಮಾಜಿ ರಣಜಿ ಆಟಗಾರರು, ಭಾರತೀಯ ಕ್ರಿಕೆಟ್ ನಿಯಂತ್ರಣಾ ಮಂಡಳಿ (ಬಿಸಿಸಿಐ)ಯ ಆಡಳಿತಾಧಿಕಾರಿಗಳ ಸಮಿತಿ (ಸಿಒಎ) ವಿರುದ್ಧ ಕಿಡಿಕಾರಿದ್ದಾರೆ.
ಸದ್ಯದ ಆಡಳಿತಾಧಿಕಾರಿಗಳ ಸಮಿತಿ ಲೋಧಾ ಸಮಿತಿಯ ಶಿಫಾರಸು ಜಾರಿಗೊಳಿಸದಿರುವುದರಿಂದ ಆಟಗಾರರಿಗೆ ತೊಂದರೆ ಆಗುತ್ತಿದೆ ಎಂದು ಆಟಗಾರರು ತಿಳಿಸಿದ್ದಾರೆ.
ಮಾಜಿ ಆಟಗಾರರು ಈ ಬಗ್ಗೆ ಬಿಸಿಸಿಐಗೆ ಪತ್ರ ಬರೆದಿದ್ದಾರೆ. 'ಲೋಧಾ ಸಮಿತಿ ಮಾಜಿ ಆಟಗಾರರು ಹಾಗೂ ಹಾಲಿ ಆಟಗಾರರನ್ನು ಬಲಪಡಿಸುತ್ತದೆ. ಜಮ್ಮು-ಕಾಶ್ಮೀರ ಕ್ರಿಕೆಟ್ ಸಂಸ್ಥೆ ತನ್ನ ವೈಯಕ್ತಿಕ ಲಾಭಕ್ಕಾಗಿ ಕೆಲಸ ಮಾಡುತ್ತಿದೆ. ಅಲ್ಲದೆ, ಲೋಧಾ ಸಮಿತಿಯ ಶಿಫಾರಸಿನ ವಿರುದ್ಧವಾಗಿ ನಡೆದುಕೊಳ್ಳುತ್ತಿದೆ ಎಂದು ಆರೋಪಿಸಿದ್ದಾರೆ
ಇನ್ನು ಬಿಸಿಸಿಐ ಸಿಓಯ ವಿರುದ್ಧ ಬೇಸರ ವ್ಯಕ್ತ ಪಡಿಸಿದ್ದು, ಸಮಿತಿ ರಾಜ್ಯ ಕ್ರಿಕೆಟ್ ಸಂಸ್ಥೆಗಳಲ್ಲಿ ಪಾರದರ್ಶಕತೆ ತರುವಲ್ಲಿ ವಿಫಲವಾಗಿದೆ. ಅಲ್ಲದೆ ಮಾಜಿ ಆಟಗಾರರ ಹಿತ ದೃಷ್ಟಿಯಿಂದ ಯಾವುದೇ ಉಪಯುಕ್ತ ಕ್ರಮ ಕೈಗೊಂಡಿಲ್ಲ.
"ಲೋಧಾ ಸಮಿತಿಯ ಪ್ರಕಾರ, ಕ್ರಿಕೆಟ್ ಸಲಹಾ ಸಮಿತಿಯಲ್ಲಿ (ಸಿಎಸಿ) ಮಾಜಿ ಆಟಗಾರರನ್ನು ಸೇರಿಸಲು ಶಿಫಾರಸು ಮಾಡಲಾಗಿದೆ, ಇದರಿಂದಾಗಿ ಜೆಕೆಸಿಎ ವೃತ್ತಿಪರ ಕ್ರಿಕೆಟಿಗರನ್ನು ಉತ್ತಮಗೊಳಿಸಲು ಬಳಸಿಕೊಳ್ಳಬಹುದು. ಆದರೆ ಸಿಒಎಗೆ ಅದನ್ನು ಮಾಡಲು ಸಾಧ್ಯವಾಗುತ್ತಿಲ್ಲ" ಎಂದು ದೂರಿದ್ದಾರೆ.
ಬೇರೆ ದೇಶದ ಮಾಜಿ ಆಟಗಾರರನ್ನು ಕರೆದು ಇಲ್ಲಿ ಅವರಿಗೆ ಹಣ ನೀಡಲಾಗುತ್ತದೆ. ದೇಶಿಯ ಆಯ್ಕೆದಾರರು ಮತ್ತು ತರಬೇತುದಾರರಿಗೆ ಸಿಗಬೇಕಾದ ಸೌಲಭ್ಯ ಅಥವಾ ಮಂಡಳಿಯಿಂದ ಉತ್ತಮ ವೇತನ ಸಿಗುತ್ತಿಲ್ಲ ಎಂದು ಪತ್ರದಲ್ಲಿ ಉಲ್ಲೇಖಿಸಲಾಗಿದೆ.

ಯುಎನ್ಐ ವಿಎನ್ಎಲ್ ಎಸ್ಎಚ್ 1619
More News

ವಿರಾಟ್ ಪಡೆಯ ಶುಭಾರಂಭ

21 Sep 2020 | 11:43 PM

 Sharesee more..

ಇಟಾಲಿಯನ್ ಓಪನ್: ಹಾಲೆಪ್ ಚಾಂಪಿಯನ್

21 Sep 2020 | 9:51 PM

 Sharesee more..

ಬೆಂಗಳೂರು ಸ್ಕೋರ್ ಬೋರ್ಡ್

21 Sep 2020 | 9:40 PM

 Sharesee more..
ವಿಶಿಷ್ಠ ದಾಖಲೆಯ ಸನಿಹದಲ್ಲಿ ಆರ್‌ಸಿಬಿ ನಾಯಕ ವಿರಾಟ್‌ ಕೊಹ್ಲಿ

ವಿಶಿಷ್ಠ ದಾಖಲೆಯ ಸನಿಹದಲ್ಲಿ ಆರ್‌ಸಿಬಿ ನಾಯಕ ವಿರಾಟ್‌ ಕೊಹ್ಲಿ

21 Sep 2020 | 8:13 PM

ನವದೆಹಲಿ, ಸೆ 21 (ಯುಎನ್‌ಐ) ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ಸೋಮವಾರ ಹದಿಮೂರನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ತನ್ನ ಮೊದಲನೇ ಪಂದ್ಯದಲ್ಲಿ ಮಾಜಿ ಚಾಂಪಿಯನ್‌ ಸನ್‌ ರೈಸರ್ಸ್ ಹೈದರಾಬಾದ್‌ ವಿರುದ್ಧ ಸೆಣಸಲಿದೆ.

 Sharesee more..