Sunday, Sep 26 2021 | Time 19:07 Hrs(IST)
Sports Share

ರೋನಾಲ್ಡೊ ಆಟ ನೋಡಲು ತುಂಬ ಇಷ್ಟ: ಸಿಂಧು

ರೋನಾಲ್ಡೊ ಆಟ ನೋಡಲು ತುಂಬ ಇಷ್ಟ: ಸಿಂಧು
ರೋನಾಲ್ಡೊ ಆಟ ನೋಡಲು ತುಂಬ ಇಷ್ಟ: ಸಿಂಧು

ನವದೆಹಲಿ, ಜುಲೈ 21(ಯುಎನ್ಐ) ಸ್ಟಾರ್ ಬ್ಯಾಡ್ಮಿಂಟನ್ ಆಟಗಾರ್ತಿ ಪಿ.ವಿ ಸಿಂಧು ಮುಂಬರುವ ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಭಾರತ ಪದ ಪದಕ ಭರವಸೆ ಮೂಡಿಸಿದವರಲ್ಲಿ ಒಬ್ಬರು. ತನ್ನ ಬಿಡುವಿಲ್ಲದ ವೇಳಾಪಟ್ಟಿಯ ಹೊರತಾಗಿಯೂ, ನೆಚ್ಚಿನ ಕ್ರೀಡಾಪಟು ಆಡುವುದನ್ನು ವೀಕ್ಷಿಸಲು ಸಮಯ ತೆಗೆದುಕೊಳ್ಳಲು ಪ್ರಯತ್ನಿಸುತ್ತಾರೆ. ಅವುಗಳಲ್ಲಿ ಒಂದು ಪೋರ್ಚುಗೀಸ್ ಫುಟ್ಬಾಲ್ ದಂತಕಥೆ ಕ್ರಿಸ್ಟಿಯಾನೊ ರೊನಾಲ್ಡೊ ಆಟ ಸಿಂಧುಗೆ ತುಂಬಾ ಇಷ್ಟ.



ಇತ್ತೀಚೆಗೆ ಐದು ಗೋಲುಗಳನ್ನು ಗಳಿಸುವ ಮೂಲಕ ರೊನಾಲ್ಡೊ ಯುರೋ 2020 ರಲ್ಲಿ ಗೋಲ್ಡನ್ ಬೂಟ್ ಗೆದ್ದಿದ್ದಾರೆ. ಅವರು ಫುಟ್‌ಬಾಲ್‌ನ ಶ್ರೇಷ್ಠ ತಾರೆಗಳಲ್ಲಿ ಒಬ್ಬರು. ತೀರಾ ಇತ್ತೀಚೆಗೆ ಅವರು 29 ಗೋಲುಗಳನ್ನು ಗಳಿಸಿದ್ದಕ್ಕಾಗಿ ಸೆರಿ ಎ ಯಲ್ಲಿ ಕಾಪೊಕಾನೊನೈರ್ ಪ್ರಶಸ್ತಿಯನ್ನು ಪಡೆದರು. ಇಟಾಲಿಯನ್ ದೇಶೀಯ ಲೀಗ್‌ನಲ್ಲಿ ಅತಿ ಹೆಚ್ಚು ಗೋಲು ಗಳಿಸಿದವರಿಗೆ ಈ ಪ್ರಶಸ್ತಿಯನ್ನು ನೀಡಲಾಯಿತು. 36 ವರ್ಷದ ಫುಟ್ಬಾಲ್ ಆಟಗಾರನ ಸಾಧನೆಗಳನ್ನು ಹೊಗಳಲು ಸಿಂಧುಗೆ ಪದಗಳಿಲ್ಲ.



ಟೋಕಿಯೊಗೆ ಹಾರುವ ಮೊದಲು ಅವರು ಒಲಿಂಪಿಕ್ಸ್ ಡಾಟ್ ಕಾಮ್ ಜೊತೆ ಮಾತನಾಡಿದರು. "ಅವರನ್ನು ಹೊಗಳಲು ನನಗೆ ಪದಗಳಿಲ್ಲ, ಅವರು ಆಡುವ ರೀತಿ, ಅವರಲ್ಲಿರುವ ಕೌಶಲ್ಯ ಮತ್ತು ತಂತ್ರ ಇಷ್ಟ” ಎಂದಿದ್ದಾರೆ.



ಸಿಂಧು ಬಿಡುವಿನ ವೇಳೆಯಲ್ಲಿ ಟೆನಿಸ್ ವೀಕ್ಷಿಸಲು ಇಷ್ಟಪಡುತ್ತಾರೆ ಮತ್ತು ಸೆರೆನಾ ವಿಲಿಯಮ್ಸ್ ಮತ್ತು ರೋಜರ್ ಫೆಡರರ್ ಅವರು ಆಡುತ್ತಿದ್ದರೆ ನೋಡುತ್ತಾರೆ.



"ಸೆರೆನಾ ಅವರು ಮಹಿಳೆ ಮತ್ತು ತಾಯಿಯಾಗಿದ್ದರೂ ಆಡುವ ರೀತಿ ಅಮೋಘ. ಅವರು ಅಸಾಧಾರಣವಾಗಿ ಉತ್ತಮ ಸಾಧನೆ ಮಾಡಿದ್ದಾರೆ. ಅವರು ಪ್ರಬಲ ಮಹಿಳೆ. ಆದರೆ ಫೆಡರರ್ ಮತ್ತೊಂದು ದಂತಕಥೆ. ಈಗ ಅವರ ವಯಸ್ಸಿನಲ್ಲಿ ಆ ಮಟ್ಟವನ್ನು ಕಾಯ್ದುಕೊಳ್ಳುವುದು ಸುಲಭವಲ್ಲ ಈಗ. ಅವರು ಅಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ" ಎಂದು ಸಿಂಧು ತಿಳಿಸಿದ್ದಾರೆ.



ಜುಲೈ 25 ರಂದು ಸಿಂಧು ಇಸ್ರೇಲ್ ನ ಪೋಲಿಕಾರ್ಪೋವಾ ಕ್ಸೆನಿಯಾ ವಿರುದ್ಧ ಒಲಿಂಪಿಕ್ ಅಭಿಯಾನವನ್ನು ಪ್ರಾರಂಭಿಸಲಿದ್ದಾರೆ. ಅವರು 2021 ರಲ್ಲಿ ಅತ್ಯುತ್ತಮ ಲಯದಲ್ಲಿದ್ದಾರೆ ಮತ್ತು ಕ್ರಮವಾಗಿ ಸ್ವಿಸ್ ಓಪನ್ ಮತ್ತು ಆಲ್ ಇಂಗ್ಲೆಂಡ್ ಓಪನ್ ಪಂದ್ಯಾವಳಿಯಲ್ಲಿ ಅಂತಿಮ ಮತ್ತು ಸೆಮಿಫೈನಲ್ ತಲುಪಿದ್ದಾರೆ. ಮಲೇಷಿಯಾದ ಓಪನ್ ಮತ್ತು ಸಿಂಗಾಪುರ್ ಓಪನ್ ರದ್ದಾದ ಕಾರಣ, ಅವರು ಮಾರ್ಚ್‌ನಿಂದ ಪಂದ್ಯಾವಳಿಯಲ್ಲಿ ಭಾಗವಹಿಸಿಲ್ಲ.



"ನಾವು ಆಡಲು ಬಹಳ ಕಡಿಮೆ ಸಮಯ ಸಿಕ್ಕಿದೆ ಎಂದು ಬಹಳಷ್ಟು ಜನರು ಹೇಳುತ್ತಿದ್ದಾರೆಂದು ನನಗೆ ಅರ್ಥವಾಗಿದೆ. ಆದರೆ, ನಾನು ಹಾಗೆ ಯೋಚಿಸುವುದಿಲ್ಲ, ಏಕೆಂದರೆ ನಾವು ಪಂದ್ಯವನ್ನು ಆಡುವ ಸನ್ನಿವೇಶ ಮತ್ತು ಪರಿಸ್ಥಿತಿಯನ್ನು ರಚಿಸಿದ್ದೇವೆ. ಗಚಿಬೌಲಿ ಕ್ರೀಡಾಂಗಣವು ಜಪಾನ್‌ನ ಬಹುತೇಕ ಕ್ರೀಡಾಂಗಣ ಗಳಂತೆ ಸಾಕಷ್ಟು ದೊಡ್ಡದಾಗಿದೆ” ಎಂದಿದ್ದಾರೆ.



(ಯುಎನ್ಐ) ವಿಎನ್ಎಲ್ 2006