Monday, Sep 16 2019 | Time 06:34 Hrs(IST)
Entertainment Share

'ದಬಾಂಗ್ 3' ಸಿಕ್ವೆಲ್ ಅಲ್ಲ ಪ್ರೀಕ್ವಿಲ್ : ಸೋನಾಕ್ಷಿ

ಮುಂಬೈ, ಜುಲೈ 11 (ಯುಎನ್ಐ) 'ದಬಾಂಗ್-3' ಚಿತ್ರ ಸಿಕ್ವೆಲ್ ಅಲ್ಲ ಪ್ರೀಕ್ವಿಲ್ ಎಂದು ಬಾಲಿವುಡ್ ನಟಿ ಸೋನಾಕ್ಷಿ ಸಿನ್ಹಾ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
2010ರಲ್ಲಿ ಸೋನಾಕ್ಷಿ ಸಿನ್ಹಾ 'ದಬಾಂಗ್' ಚಿತ್ರದ ಮೂಲಕ ಬಿಟೌನ್ ಗೆ ಪಾದಾರ್ಪಣೆ ಮಾಡಿದ್ದರು. 2012ರಲ್ಲಿ 'ದಬಾಂಗ್-2' ಚಿತ್ರದಲ್ಲಿಯೂ ಅಭಿನಯಿಸಿದ್ದಾರೆ. ಈಗ ಮೊಗದೊಮ್ಮೆ ಸಲ್ಮಾನ್ ಖಾನ್ ಅವರೊಂದಿಗೆ 'ದಬಾಂಗ್-3' ಅವತರಣಿಕೆಯಲ್ಲಿ ನಟಿಸುತ್ತಿದ್ದಾರೆ.
'ದಬಾಂಗ್ -3' ಚಿತ್ರದ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಇದೊಂದು ಸಿಕ್ವೆಲ್ ಅಲ್ಲ ಪ್ರಿಕ್ವಿಲ್ ಆಗಿದೆ. ಚುಲ್ ಬುಲ್ ಪಾಂಡೆಯ ಹಿಂದಿನ ಜೀವನದ ರೋಚಕ ಕಥೆಯನ್ನು ಈ ಚಿತ್ರದಲ್ಲಿ ತೋರಿಸಲಾಗುವುದು ಎಂದಿದ್ದಾರೆ.
ಈ ಬಾರಿ ತೆರೆಯ ಮೇಲೆ ಸಲ್ಮಾನ್ ಹಾಗೂ ಸೋನಾಕ್ಷಿಯನ್ನು ಕಡಿಮೆ ವಯಸ್ಸಿನಲ್ಲಿ ತೋರಿಸಲಾಗುತ್ತದೆಯಂತೆ. ಕೇವಲ 15ವರ್ಷದ ಯುವಕನ ಪಾತ್ರದಲ್ಲಿ ಸಲ್ಮಾನ್ ಕಾಣಿಸಿಕೊಳ್ಳಲಿದ್ದು, ಅದಕ್ಕಾಗಿ ಭಾರೀ ಕಸರತ್ತು ನಡೆಸುತ್ತಿದ್ದಾರೆ. ಈ ಕುರಿತು ಒಂದು ಬಾರಿ ಸಲ್ಮಾನ್ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ಒಂದನ್ನು ಶೇರ್ ಮಾಡಿದ್ದರು
'ದಬಾಂಗ್-3' ಚಿತ್ರವನ್ನು ನೃತ್ಯ ಸಂಯೋಜಕ ಪ್ರಭುದೇವ್ ನಿರ್ದೇಶನಮಾಡುತ್ತಿದ್ದಾರೆ. ಈ ಚಿತ್ರದಲ್ಲಿ ಸ್ಯಾಂಡಲ್ ವುಡ್ ನಟ ಕಿಚ್ಚ ಸುದೀಪ್ ಖಳನಾಯಕನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
'ದಬಾಂಗ್' ಚಿತ್ರದ ಎರಡು ಅವತರಣಿಕೆಯಲ್ಲಿ ಚುಲ್ ಬುಲ್ ಪಾಂಡೆಯ ಮಲತಂದೆಯಾಗಿ ವಿನೋಧ ಖನ್ನಾ ಅಭಿನಯಿಸಿದ್ದರು. ಆದರೀಗ ಅವರು ನಿಧನ ಹೊಂದಿದ್ದರಿಂದ ಆ ಸ್ಥಾನಕ್ಕೆ ಅವರ ಸಹೋದರ ಪ್ರಮೋದ್ ಖನ್ನಾ ಅವರನ್ನು ಕರೆತರಲಾಗಿದೆಯಂತೆ.
ಈ ವರ್ಷದ ಕ್ರಿಸ್ ಮಸ್ ಹಬ್ಬದಂದು 'ದಬಾಂಗ್-3' ಚಿತ್ರ ಬಿಡುಗಡೆಗೊಳ್ಳಲಿದೆ.
ಯುಎನ್ಐ ಪಿಕೆ ಎಸ್ಎಚ್ 1656
More News

ಯೂಟ್ಯೂಬ್ ಚಾನೆಲ್ ಗೆ ದಿಶಾ ಪಟಾನಿ ಚಾಲನೆ

14 Sep 2019 | 6:42 PM

 Sharesee more..
ಮೇಕಪ್ ಇಲ್ಲದ ಸಮಂತಾ ಫೋಟೋಗೆ ಅಭಿಮಾನಿಗಳು ಫಿದಾ

ಮೇಕಪ್ ಇಲ್ಲದ ಸಮಂತಾ ಫೋಟೋಗೆ ಅಭಿಮಾನಿಗಳು ಫಿದಾ

14 Sep 2019 | 5:11 PM

ಬೆಂಗಳೂರು, ಸೆ 14 (ಯುಎನ್ಐ) ಕೆಲವು ತಿಂಗಳುಗಳ ಹಿಂದಷ್ಟೇ ಬಹುಭಾಷಾ ನಟಿ ಕಾಜಲ್ ಅಗರ್ ವಾಲ್ ತಮ್ಮ ಮೇಕಪ್ ಇಲ್ಲದ ಫೋಟೋ ಒಂದನ್ನು ಶೇರ್ ಮಾಡಿ, ಅಭಿಮಾನಿಗಳ ಮನಗೆದ್ದಿದ್ದರು.

 Sharesee more..