Monday, Sep 16 2019 | Time 12:07 Hrs(IST)
  • ತ್ರಿಪುರಾದಲ್ಲಿ ಅಗ್ಗದ ದರದಲ್ಲಿ ಈರುಳ್ಳಿ ಪೂರೈಕೆ: ಮನೋಜ್ ಕಾಂತಿ ದೇಬ್
  • ಭಾರತದಲ್ಲಿ ಎಸ್ -400 ವಾಯು ರಕ್ಷಣಾ ವ್ಯವಸ್ಥೆ ಉತ್ಪಾದನೆ ಬಗ್ಗೆ ರಷ್ಯಾ ಪರಿಶೀಲನೆ-ರೋಸ್ಟೆಕ್ ಸಿಇಒ
  • ಕೆ ಎಸ್‍ ಈಶ್ವರಪ್ಪ ವಿರುದ್ಧ ಮಾನನಷ್ಟ ಮೊಕದ್ದಮೆ: ಎಸ್‍ಡಿಪಿಐ
  • ಬಲವಂತದ ಭಾಷೆ ಹೇರಿಕೆ ಸಲ್ಲದು: ಸಿದ್ದರಾಮಯ್ಯ
  • ದೇಶದಲ್ಲಿ ಮಳೆಯಿಂದ ಈ ವರ್ಷ 1,422 ಜನರ ಸಾವು: ವರದಿ
  • ಪಂಕಜ್ ಅಡ್ವಾನಿಯ ಸ್ಥಿರ ಪ್ರದರ್ಶನ ಶ್ಲಾಘನೀಯ: ಮೋದಿ
  • ಬೇಗೂರು ಪೊಲೀಸರಿಂದ ರೌಡಿ ಶೀಟರ್ ಓಣಿ ಶ್ರೀಧರ್ ಕಾಲಿಗೆ ಗುಂಡೇಟು
  • ಪಾಕಿಸ್ತಾನದಲ್ಲಿ ಭದ್ರತೆ ಪರಿಶೀಲಿಸಿದ ನಂತರ ಪಂದ್ಯದ ಅಧಿಕಾರಿಗಳ ನೇಮಕ: ಐಸಿಸಿ
  • 47 ವರ್ಷಗಳ ಬಳಿಕ ಆ್ಯಷಸ್‌ ಟೆಸ್ಟ್ ಸರಣಿ ಡ್ರಾ
  • ಬಂಜಾ ಲುಕಾ ಚಾಲೆಂಜರ್‌: ರನ್ನರ್ ಅಪ್‌ಗೆ ತೃಪ್ತಿಪಟ್ಟ ಸುಮಿತ್‌ ನಗಾಲ್‌
  • ಪಾಕಿಸ್ತಾನದಿಂದ ಕದನ ವಿರಾಮ ಉಲ್ಲಂಘನೆ: ಭಾರತೀಯ ನಾಲ್ವರು ಯೋಧರಿಗೆ ಗಾಯ
business economy Share

ಜನವರಿ 2020 ರಿಂದ ಹೊಸ ಜಿಎಸ್‌ಟಿ ರಿಟರ್ನ್ ಸಲ್ಲಿಕೆ ನಮೂನೆ

ನವದೆಹಲಿ, ಜೂನ್ 11 (ಯುಎನ್ಐ) ಸರಕು ಮತ್ತು ಸೇವಾ ತೆರಿಗೆ ಜಿಎಸ್‌ಟಿ ಅಡಿ ತೆರಿಗೆ ಪಾವತಿದಾರರಿಗಾಗಿ ಹೊಸ ವ್ಯವಸ್ಥೆ ಜಾರಿಗೆ ತರಲಾಗುವುದು ಮತ್ತು 2020 ರ ಜನವರಿಯಿಂದ ಜಿಎಸ್‌ಟಿ ಅಡಿಯ ಮಾರಾಟ ವಿವರಗಳನ್ನು ಸಲ್ಲಿಸಲು ಹೊಸ ಜಿಎಸ್‌ಟಿಆರ್ 1 ನಮೂನೆ ಬಿಡುಗಡೆ ಮಾಡಲಾಗುವುದು ಎಂದು ಸರ್ಕಾರ ತಿಳಿಸಿದೆ.
ಹೊಸ ವ್ಯವಸ್ಥೆಗೆ ಬದಲಾವಣೆ ತರಲು ಹಂತ ಹಂತದ ಪರಿಷ್ಕರಣಾ ವ್ಯವಸ್ಥೆ ಜಾರಿಗೆ ತರಲಾಗುವುದು. ಅಂತೆಯೇ ಮಾಸಿಕ ಲೆಕ್ಕ ಪತ್ರ ವಿವರ ಸಲ್ಲಿಕೆ ಜಿಎಸ್‌ಟಿಆರ್ - 3 ಬಿ ಅನ್ನು ಸಹ ಹಂತ ಹಂತವಾಗಿ ಸಲ್ಲಿಸಲು ಹೊಸ ವ್ಯವಸ್ಥೆ ಜಾರಿಗೆ ತರಲಾಗುವುದು.
ಬಳಕೆದಾರರಿಗೆ ಈ ಬಗ್ಗೆ ತಿಳಿಯುವಂತಾಗಲು ಮತ್ತು ಅವರ ಪ್ರತಿಕ್ರಿಯೆ ತಿಳಿಯಲು 2019ರ ಮೇ ತಿಂಗಳಲ್ಲಿ ಹೊಸ ಆಫ್‌ಲೈನ್ ಟೂಲ್ ಅನ್ನು ಬಿಡುಗಡೆ ಮಾಡಲಾಗಿದೆ. ಇದು ಆನ್‌ಲೈನ್ ಮಾದರಿಯಲ್ಲಿ ಹೇಗೆ ಕಾಣುವುದೇ, ಹೇಗೆ ಕಾರ್ಯನಿರ್ವಹಿಸುವುದೋ ಅದನ್ನು ಪ್ರತಿಬಿಂಬಿಸುತ್ತದೆ.
ಹೊಸ ಅರ್ಜಿ ಸಲ್ಲಿಕೆ ನಮೂನೆಯಲ್ಲಿ ಮೂರು ಪ್ರಮುಖ ಅಂಶಗಳಿವೆ - ಒಂದು ಪ್ರಮುಖ ರಿಟರ್ನ್ (ಜಿಎಸ್‌ಟಿಆರ್ - 1) ಮತ್ತು ಎರಡು ಇತರ ಉಪ ಅರ್ಜಿ (ಜಿಎಸ್‌ಟಿ ಅನೆಕ್ಸ್ 2).
2019 ರ ಜುಲೈ ತಿಂಗಳಿನಿಂದ ಅನೆಕ್ಸ್ 1 ಆಫ್‌ಲೈನ್‌ ಟೂಲ್ ಮುಖಾಂತರ ಜಿಎಸ್‌ಟಿ ನೋಂದಾಯಿತರು ಬಿಲ್ ಗಳ ಮಾಹಿತಿಯನ್ನು ಸಲ್ಲಿಸಬಹುದಾಗಿದೆ. ಬಳಕೆದಾರರಿಗೆ ಈ ವ್ಯವಸ್ಥೆ ಪರಿಚಿತವಾಗಲು ಆಫ್‌ಲೈನ್ ಟೂಲ್‌ ಪರೀಕ್ಷಾರ್ಥವಾಗಿ ನೀಡಲಾಗಿದೆ.
ಅಲ್ಲದೇ ಬಳಕೆದಾರರು ಖರೀದಿ ವಿವರಗಳ ಮಾಹಿತಿಯನ್ನು ಪ್ರಯೋಗಾರ್ಥ ಸಂದರ್ಭದಲ್ಲಿ ಜಿಎಸ್‌ಟಿ ಅನೆಕ್ಸ್ 2 ರ ಆಫ್‌ಲೈನ್ ಸಾಧನದ ಮೂಲಕ ಪಡೆಯಬಹುದಾಗಿದೆ. ಸಾಮಾನ್ಯ ವೇದಿಕೆಯಡಿ ಖರೀದಿ ವಿವರಗಳನ್ನು ಸಹ ನೋಡಬಹುದಾಗಿದೆ. 2019 ರ ಆಗಸ್ಟ್‌ ನಿಂದ ತಮ್ಮ ಖರೀದಿ ವಿವರಗಳಿಗೂ ಮಾರಾಟಗಾರರು ನೀಡಿರುವ ವಿವರಗಳನ್ನು ತಾಳೆ ಹಾಕಿ ಯಾವುದೇ ತಪ್ಪುಗಳಿದ್ದಲ್ಲಿ ಗುರುತಿಸಬಹುದಾಗಿದೆ.
ಜುಲೈ 2019 ರಿಂದ ಸೆಪ್ಟೆಂಬರ್ 2019 ರ ಅವಧಿಯಲ್ಲಿ ಮೂರು ತಿಂಗಳಿಗೆ ಹೊಸ ರಿಟರ್ನ್ ಸಲ್ಲಿಕೆ ವ್ಯವಸ್ಥೆ (ಅನೆಕ್ಸ್ 1 ಮತ್ತು 2) ಪ್ರಯೋಗಾರ್ಥವಾಗಿ ಜಿಎಸ್‌ಟಿ ನೋಂದಾಯಿತರಿಗೆ ಅದರ ಬಗ್ಗೆ ಅರಿವಾಗಲು ನೀಡಲಾಗಿದೆ. ಈ ಅವಧಿಯಲ್ಲಿ ತೆರಿಗೆ ನೋಂದಾಯಿತರು ಎಂದಿನಂತೆ ಜಿಎಸ್‌ಟಿಆರ್ 1 ಮತ್ತು ಜಿಎಸ್‌ಟಿಆರ್ 3 ಬಿ ಗಳನ್ನು ಸಲ್ಲಿಸಬೇಕಿದೆ.
ಈ ರಿಟರ್ನ್‌ಗಳನ್ನು ಸಲ್ಲಿಸದೇ ಇದ್ದಲ್ಲಿ ಜಿಎಸ್‌ಟಿ ನಿಯಮಾವಳಿ ಅಡಿಯಲ್ಲಿ ದಂಡ ವಿಧಿಸಲಾಗುವುದು.
2019 ರ ಅಕ್ಟೋಬರ್ ನಿಂದ ಜಿಎಸ್‌ಟಿ ಅನೆಕ್ಸ್ 1 ಅನ್ನು ಕಡ್ಡಾಯ ಮಾಡಲಾಗುವುದು. ಜಿಎಸ್‌ಟಿಆರ್ 1 ಬದಲಿಗೆ ಜಿಎಸ್‌ಟಿ ಅನೆಕ್ಸ್ 1 ಜಾರಿಗೆ ಬರಲಿದೆ. ಹಿಂದಿನ ಹಣಕಾಸು ವರ್ಷದಲ್ಲಿ ಐದು ಕೋಟಿಗಿಂತ ಹೆಚ್ಚು ವಹಿವಾಟು ಹೊಂದಿರುವವರು ಮಾಸಿಕ ಜಿಎಸ್‌ಟಿ - ಅನೆಕ್ಸ್ 1 ಅನ್ನು ಅಕ್ಟೋಬರ್ ಕಡ್ಡಾಯವಾಗಿ ಸಲ್ಲಿಸಬೇಕಿದೆ.
ತ್ರೈಮಾಸಿಕವಾಗಿ ಜಿಎಸ್‌ಟಿಆರ್ 1 ರಿಟರ್ನ್ ಸಲ್ಲಿಸುತ್ತಿರುವವರು ಜನವರಿ 2020 ರಿಂದ ಅಕ್ಟೋಬರ್ - ಡಿಸೆಂಬರ್ 2019ರ ತ್ರೈಮಾಸಿಕದ ಹೊಸ ನಮೂನೆಯ ರಿಟರ್ನ್ ಸಲ್ಲಿಸಬೇಕಿದೆ.
ಜಿಎಸ್‌ಟಿ ಅನೆಕ್ಸ್ 1 ಅನ್ನು ನಿಯಮಿತವಾಗಿ ಬೃಹತ್ ಮತ್ತು ಸಣ್ಣ ತೆರಿಗೆ ಪಾವತಿದಾರರು ಅಕ್ಟೋಬರ್ 2019 ರಿಂದ ಸಲ್ಲಿಸಬೇಕಿದೆ. ಅದೇ ರೀತಿ ಜಿಎಸ್‌ಟಿ ಅನೆಕ್ಸ್ 2 ರಲ್ಲಿನ ಮಾಹಿತಿಯನ್ನು ಸಹ ನೋಡಬಹುದಾಗಿದೆ. ಆದರೆ ಅದರಲ್ಲಿ ಯಾವುದೇ ಪರಿಷ್ಕರಣೆಗೆ ಅವಕಾಶವಿರುವುದಿಲ್ಲ.
ಅಕ್ಟೋಬರ್ ಮತ್ತು ನವೆಂಬರ್ 2019 ರ ಅವಧಿಗೆ ಬೃಹತ್ ತೆರಿಗೆ ಪಾವತಿದಾರರು ಎಂದಿನಂತೆ ಜಿಎಸ್‌ಟಿಆರ್ - 3 ಬಿ ಮತ್ತು 1 ಅನ್ನು ಮಾಸಿಕವಾಗಿ ಸಲ್ಲಿಸಬೇಕಿದ್ದು, ಡಿಸೆಂಬರ್ 2019ರ ತಮ್ಮ ಮೊದಲ ಜಿಎಸ್‌ಟಿ ರಿಟ್ - 1 ಅನ್ನು 2020 ರ ಜನವರಿ 20 ರೊಳಗೆ ಸಲ್ಲಿಸಬೇಕು.
ಕಿರು ಪ್ರಮಾಣದ ತೆರಿಗೆ ಪಾವತಿದಾರರು ಜಿಎಸ್‌ಟಿಆರ್ - 3 ಬಿ ಅರ್ಜಿ ಸಲ್ಲಿಕೆ ಬದಲಿಗೆ 2019 ರ ಅಕ್ಟೋಬರ್ ನಿಂದ ಜಿಎಸ್‌ಟಿ ಪಿಎಂಟಿ - 08 ಅನ್ನು ಸಲ್ಲಿಸಬೇಕಿದೆ. 2019 ರ ಅಕ್ಟೋಬರ್ ನಿಂದ ಡಿಸೆಂಬರ್ ವರೆಗಿನ ತ್ರೈಮಾಸಿಕದ ಜಿಎಸ್‌ಟಿ - ರಿಟ್ - 1 ಅನ್ನು 2020ರ ಜನವರಿ 20 ರೊಳಗೆ ಸಲ್ಲಿಸಬೇಕು.
ಅಕ್ಟೋಬರ್ ನಿಂದ ಡಿಸೆಂಬರ್ 2019 ರ ಅವಧಿಯ ಹೆಚ್ಚುವರಿ ತೆರಿಗೆ ಹಿಂಪಡೆಯುವಿಕೆಗೆ ಅರ್ಜಿ ಸಲ್ಲಿಕೆಗೆ ಪ್ರತ್ಯೇಕ ಸೂಚನೆಗಳನ್ನು ನೀಡಲಾಗುವುದು ಎಂದು ಸಚಿವಾಲಯ ತಿಳಿಸಿದೆ.
ಯುಎನ್‌ಐ ಜಿಎಸ್ಆರ್ ಡಿವಿ 2339
More News

ವಿದೇಶಿ ವಿನಿಮಯ 1 ಶತಕೋಟಿ ಡಾಲರ್‌ ಏರಿಕೆ

15 Sep 2019 | 12:27 PM

 Sharesee more..
ಏಸುಸ್ ಸಂಸ್ಥೆಯ 'ಎಕ್ಸ್‌ಕ್ಲ್ಯೂಸಿವ್ ಸ್ಟೋರ್' ಬೆಂಗಳೂರಿನಲ್ಲಿ ಆರಂಭ

ಏಸುಸ್ ಸಂಸ್ಥೆಯ 'ಎಕ್ಸ್‌ಕ್ಲ್ಯೂಸಿವ್ ಸ್ಟೋರ್' ಬೆಂಗಳೂರಿನಲ್ಲಿ ಆರಂಭ

13 Sep 2019 | 7:11 PM

ಬೆಂಗಳೂರು, ಸೆ 13 (ಯುಎನ್ಐ) ತಂತ್ರಜ್ಞಾನ ದಿಗ್ಗಜ ಏಸುಸ್ ಸಂಸ್ಥೆಯು ಅತ್ಯಾಧುನಿಕ ಮಳಿಗೆಯನ್ನು ನಗರದ ಕೋರಮಂಗಲದಲ್ಲಿ ತೆರೆಯಲಾಗಿದ್ದು, ಸಂಸ್ಥೆಯ ರಾಷ್ಟ್ರೀಯ ಮಾರಾಟ ಮುಖ್ಯಸ್ಥ ಜಿಗ್ನೆಶ್ ಭಾವ್ಸರ್ ಮತ್ತು ಮಳಿಗೆಯ ಮಾಲೀಕ ಗೌರವ್ ಡಿ ಜೈನ್ ಶುಕ್ರವಾರ ಉದ್ಘಾಟಿಸಿದರು,

 Sharesee more..