Wednesday, May 27 2020 | Time 03:20 Hrs(IST)
  • ಬೆಂಗಳೂರು ಗಾಳಿ ಮಳೆಗೆ ಓರ್ವ ಯುವತಿ ಬಲಿ : ಧರೆಗುರುಳಿದ ಮರ,ವಿದ್ಯುತ್ ಕಂಬಗಳು
Health -Lifestyle Share

ಜಂಕ್ ಫುಡ್ ಸೇವನೆ, ಧೂಮಪಾನ ಸ್ತೀರೋಗ ಸಂಬಂಧಿ ಕ್ಯಾನ್ಸರ್ ಗೆ ಕಾರಣವಾದೀತು, ಎಚ್ಚರ!

ನವದೆಹಲಿ, ಜುಲೈ 04 (ಯುಎನ್ಐ) ಇಂದಿನ ದಿನಮಾನದಲ್ಲಿ ಎಲ್ಲೆಡೆ ಜಂಕ್ ಫುಡ್ ಸೇವನೆ, ಧೂಮಪಾನ ಮಾಡುವ ಮಹಿಳೆಯರ ಸಂಖ್ಯೆ ಹೆಚ್ಚುತ್ತಿದ್ದು, ಈ ಬಗೆಯ ಅಭ್ಯಾಸ, ಬದಲಾದ ಜೀವನಶೈಲಿ ಸ್ತೀರೋಗ ಸಂಬಂಧಿ ಕ್ಯಾನ್ಸರ್ ಗೆ ಕಾರಣವಾದೀತು ಎಂದು ಫೋರ್ಟಿಸ್ ಆಸ್ಪತ್ರೆಯ ಕ್ಯಾನ್ಸರ್ ವಿಭಾಗದ ಸರ್ಜಿಕಲ್ ಆಂಕೋಲಾಜಿ ನಿರ್ದೇಶಕ ಡಾ ಕಪಿಲ್ ಕುಮಾರ್ ಎಚ್ಚರಿಸಿದ್ದಾರೆ
ಜೀವನ ಶೈಲಿಯ ಬದಲಾವಣೆಗೂ ಸ್ತ್ರೀರೋಗಕ್ಕೆ ಸಂಬಂಧಿಸಿದ ಅಂಡಾಶಯ ಹಾಗೂ ಗರ್ಭಕಂಠದ ಕ್ಯಾನ್ಸರ್ ಗೂ ಸಂಬಂಧವಿದೆ ಎಂದು ಅವರು ಕಳವಳ ವ್ಯಕ್ತಪಡಿಸಿದ್ದಾರೆ
ಅಂಡಾಶಯದ ಕ್ಯಾನ್ಸರ್ ಅತ್ಯಂತ ಮಾರಕ ಸ್ತ್ರೀರೋಗ. ಅದರ ಉಳಿವಿನಲ್ಲಿ ಅಲ್ಪ ಸುಧಾರಣೆ ಮಾತ್ರ ಸಾಧ್ಯ. ಗರ್ಭಕಂಠದ ಕ್ಯಾನ್ಸರ್ ಮಹಿಳೆಯರಲ್ಲಿ ಕಂಡುಬರುವ ಎರಡನೇ ಸಾಮಾನ್ಯ ಕ್ಯಾನ್ಸರ್ ಆಗಿದೆ. ಸಬಲೀಕರಣದ ಜೊತೆಜೊತೆಗೆ ಸುದೀರ್ಘ ಹಾಗೂ ಅನಿಯಮಿತ ಕೆಲಸದಿಂದ ಆಕೆ ಒತ್ತಡಕ್ಕೀಡಾಗುತ್ತಾಳೆ ಇದರ ನಡುವೆ ಪೌಷ್ಟಿಕ ಆಹಾರದ ಕೊರತೆ, ಮದ್ಯಪಾನ, ಧೂಮಪಾನ ಸ್ತ್ರೀಸಂಬಂಧಿ ಕ್ಯಾನ್ಸರ್ ಗೆ ಪ್ರಮುಖ ಕಾರಣ ಎಂದು ಹೇಳಿದ್ದಾರೆ.
ಸ್ತನ, ಶ್ವಾಸಕೋಶ, ಕೊಲೊನ್ ಮತ್ತು ಮೇದೋಜ್ಜೀರಕ ಗ್ರಂಥಿಯ ನಂತರ ಮಹಿಳೆಯರಲ್ಲಿ ಹೆಚ್ಚಾಗಿ ಕಂಡುಬರುವ ಐದನೇ ಮಾರಣಾಂತಿಕ ಕ್ಯಾನ್ಸರ್ ಅಂಡಾಶಯದ ಕ್ಯಾನ್ಸರ್ ಆಗಿದೆ. ಈಗಾಗಲೇ ಶೇ 75ರಷ್ಟು ಮಹಿಳೆಯರಲ್ಲಿ ಈ ಕಾಯಿಲೆ ಮೂರು ಮತ್ತು ನಾಲ್ಕನೇ ಹಂತದಲ್ಲಿ ಪತ್ತೆಯಾಗಿದೆ. ಹೀಗಾಗಿ ಪ್ರತಿಯೊಬ್ಬ ಸ್ತ್ರೀಯೂ ನಿಯಮಿತವಾಗಿ ಪರೀಕ್ಷೆಗೆ ಒಳಪಡಬೇಕು ಎಂದು ಡಾ ಕಪಿಲ್ ಕುಮಾರ್ ಸಲಹೆ ನೀಡಿದ್ದಾರೆ.
ಯುಎನ್ಐ ಎಸ್ಎ ಎಸ್ಎಚ್ 1743