Tuesday, Jul 23 2019 | Time 00:10 Hrs(IST)
business economy Share

ನಾಗರಿಕ ವಿಮಾನಯಾನ ಸಚಿವರಿಂದ ಕೇಂದ್ರ ಎಟಿಎಫ್‌ಎಂ ಸಂಕೀರ್ಣ ಉದ್ಘಾಟನೆ

ನವದೆಹಲಿ, ಜೂನ್ 21 (ಯುಎನ್‌ಐ) ನಾಗರಿಕ ವಿಮಾನಯಾನ ಸಚಿವ ಹರ್ದೀಪ್ ಸಿಂಗ್ ಪುರಿ ಅವರು ವಾಯು ಸಂಚಾರ ನಿರ್ವಹಣೆ - ಕೇಂದ್ರೀಯ ಕಮಾಂಡ್ ಕೇಂದ್ರವನ್ನು ಶನಿವಾರ ಉದ್ಘಾಟಿಸಿದರು.
ಸಿ-ಎಟಿಎಫ್‌ಎಂ ವ್ಯವಸ್ಥೆಯು ಮುಖ್ಯವಾಗಿ ಪ್ರತಿ ಭಾರತೀಯ ವಿಮಾನ ನಿಲ್ದಾಣದಲ್ಲಿ ಪ್ರಮುಖ ಸಂಪನ್ಮೂಲಗಳಾದ ವಿಮಾನ ನಿಲ್ದಾಣ, ವಾಯುನೆಲೆ ಮತ್ತು ವಿಮಾನಗಳ ಗರಿಷ್ಠ ಬಳಕೆ ಸಾಧಿಸಲು ಅಗತ್ಯ ಸಾಮರ್ಥ್ಯ ಒದಗಿಸುವ ಉದ್ದೇಶ ಹೊಂದಿದೆ.
ಸಿ-ಎಟಿಎಫ್‌ಎಂ ವ್ಯವಸ್ಥೆಯು ಎಟಿಸಿ ಆಟೊಮೇಷನ್ ಸಿಸ್ಟಮ್, ಫ್ಲೈಟ್ ಅಪ್‌ಡೇಟ್‌ಗಳು ಮತ್ತು ಫ್ಲೈಟ್ ಅಪ್‌ಡೇಟ್ ಸಂದೇಶಗಳಂತಹ ವಿವಿಧ ಉಪವ್ಯವಸ್ಥೆಗಳಿಂದ ಫ್ಲೈಟ್ ಡೇಟಾವನ್ನು ಸಂಯೋಜಿಸುತ್ತದೆ ಎಂದು ಸಚಿವಾಲಯದ ಹೇಳಿಕೆ ತಿಳಿಸಿದೆ.
ವಿಮಾನ ನಿಲ್ದಾಣಗಳು, ವಾಯುಪ್ರದೇಶಗಳು ಮತ್ತು ವಾಯು ಮಾರ್ಗಗಳ ಬಗ್ಗೆ ಸ್ಥಿರ ಮಾಹಿತಿಯೊಂದಿಗೆ ಹವಾಮಾನ ಮಾಹಿತಿಯನ್ನು ಈ ವ್ಯವಸ್ಥೆಯು ಪ್ರದರ್ಶಿಸುತ್ತದೆ. ಈ ವ್ಯವಸ್ಥೆಯು ಬೇಡಿಕೆ ಮತ್ತು ಸಾಮರ್ಥ್ಯದ ಮಾಹಿತಿಯನ್ನು ಪ್ರಕ್ರಿಯೆಗೊಳಿಸಿ ಹಾರಾಟದ ವೇಳೆ ಸೂಕ್ತ ನಿರ್ಧಾರ ತೆಗೆದುಕೊಳ್ಳಲು ಸಹಾಯ ಮಾಡುತ್ತದೆ. ಭಾರತದ ಪ್ರತಿ ವಿಮಾನ ನಿಲ್ದಾಣದಲ್ಲಿ ಸಂಚಾರದ ಹರಿವನ್ನು ಖಚಿತಪಡಿಸಿಕೊಳ್ಳಲು ಎಟಿಎಫ್‌ಎಂ ಫ್ಲೋ ವ್ಯವಸ್ಥಾಪಕರಿಗೆ ನಿರ್ಧಾರ ತೆಗೆದುಕೊಳ್ಳುವ ಸಾಧನಗಳನ್ನು ಒದಗಿಸುತ್ತದೆ ಎಂದು ಪ್ರಕಟಣೆ ಹೇಳಿದೆ.
ಯುಎನ್‌ಐ ಕೆಎಸ್‌ವಿ ವಿಎನ್‌ಎಲ್‌ 1904