Wednesday, May 27 2020 | Time 03:14 Hrs(IST)
  • ಬೆಂಗಳೂರು ಗಾಳಿ ಮಳೆಗೆ ಓರ್ವ ಯುವತಿ ಬಲಿ : ಧರೆಗುರುಳಿದ ಮರ,ವಿದ್ಯುತ್ ಕಂಬಗಳು
Health -Lifestyle Share

ರಾಜಕೀಯ ಬದಿಗೊತ್ತಿ ಕಲಾವಿದರನ್ನು ಭೇಟಿಯಾದ ಮೋದಿ

ನವದೆಹಲಿ, ಜುಲೈ 8 (ಯುಎನ್ಐ) ಪ್ರಧಾನಿ ನರೇಂದ್ರ ಮೋದಿ ಅವರು ಸೋಮವಾರ ಗುಜರಾತ್ ಜಾನಪದ ಗಾಯಕಿ ಗೀತಾ ರಾಬರಿ ಅವರನ್ನು ಭೇಟಿಯಾಗಿ ಅವರ ಪರಿಶ್ರಮ, ಸಾಧನೆಯನ್ನು ಅಭಿನಂದಿಸಿದರು.
ತವರು ರಾಜ್ಯದ ಕಲಾವಿದೆ ಗೀತಾ ಅವರನ್ನು ಭೇಟಿಯಾದ ನಂತರ ಟ್ವೀಟ್ ಮಾಡಿದ ಮೋದಿ, ಅವರ ಕೆಲಸಗಳು ವಿಶ್ವದಾದ್ಯಂತದ ಗುಜರಾತಿಗಳಿಗೆ ಸಂತಸ ತಂದಿದೆ. ಬಾಲ್ಯದಲ್ಲಿ ಅವರಿಗೆ ಹಾಡಲು ಪ್ರೋತ್ಸಾಹ ನೀಡಿದ್ದು ಇಂದಿಗೂ ನೆನಪಿದೆ. ಇಂದು ಅವರನ್ನು ಭೇಟಿಯಾಗಿ ಮಾತನಾಡುವ ಅವಕಾಶ ದೊರೆಯಿತು. ಅವರ ಅನುಭವವನ್ನು ಅರಿಯಲು ಸಂತಸವಾಯಿತು ಎಂದಿದ್ದಾರೆ.
ಗೀತಾ ರಾಬರಿಯಂತಹ ಜನರು ಸಮಾಜಕ್ಕೆ ಸ್ಫೂರ್ತಿಯಾಗಿದ್ದಾರೆ. ಅವರು ಏಕಾಗ್ರತೆಯಿಂದ ಗಾಯನವನ್ನು ಅಧ್ಯಯನ ಮಾಡಿದ್ದು, ಇಂದು ಅದರಲ್ಲಿ ಪರಿಣತಿ ಪಡೆದಿದ್ದಾರೆ. ಗುಜರಾತಿ ಜಾನಪದ ಸಂಗೀತವನ್ನು ಯುವ ಜನತೆಗೆ ಪರಿಚಯಿಸುವಲ್ಲಿ ಅವರ ಪ್ರಯತ್ನದಿಂದು ತಾವು ಪ್ರೇರೇಪಿತರಾಗಿದ್ದು, ಆಕೆಯ ಭವಿಷ್ಯದ ಯೋಜನೆಗಳಿಗೆ ಶುಭ ಹಾರೈಸುತ್ತೇನೆ ಎಂದಿದ್ದಾರೆ.
ಸಂಸತ್ತಿನಲ್ಲಿ ಪ್ರಧಾನಿಯನ್ನು ಭೇಟಿಯಾದ ನಂತರ, ಗೀತಾ ಅವರು ವಿಶೇಷ ಗೀತೆಯೊಂದನ್ನು ಪ್ರಸ್ತುತಪಡಿಸಿದರು.
ನಂತರ ಮೋದಿ, ಲೇಖಕ ಅಮೀಶ್ ತ್ರಿಪಾಠಿ ಅವರನ್ನು ಕೂಡ ಭೇಟಿ ಮಾಡಿ ಅವರ ಪುಸ್ತಕಗಳನ್ನು ಪಡೆದರು.
ಈ ಕುರಿತು ಟ್ವೀಟ್ ಮಾಡಿದ ಅವರು, 'ಅಮೀಶ್ ತ್ರಿಪಾಠಿ ಅವರನ್ನು ಭೇಟಿ ಮಾಡಿ ಉತ್ತಮ ಮಾತುಕತೆ ನಡೆಸಿದೆವು. ಅವರ ಪುಸ್ತಕಗಳು ದೇಶದ ಶ್ರೀಮಂತ ಇತಿಹಾಸ ಹಾಗೂ ಸಂಸ್ಕೃತಿಯ ಮೇಲೆ ಬೆಳಕು ಚೆಲ್ಲಿವೆ' ಎಂದಿದ್ದಾರೆ.
ಅಮೀಶ್ ಅವರ 'ದಿ ಇಮ್ಮೋರ್ಟಲ್ಸ್ ಆಫ್ ಮೆಲೂಹ', 'ದಿ ಸೀಕ್ರೆಟ್ ಆಫ್ ದಿ ನಾಗಾಸ್', 'ದಿ ವೋತ್ ಆಫ್ ವಾಯುಪುತ್ರಾಸ್' ಮತ್ತಿತರರ ಪುಸ್ತಕಗಳು ಜನಪ್ರಿಯವಾಗಿವೆ.
ಯುಎನ್ಐ ಎಸ್ಎಚ್ ವಿಎನ್ ಎಲ್ 2044