Tuesday, Jul 23 2019 | Time 00:55 Hrs(IST)
business economy Share

ಸಿಎಸ್‌ಸಿ - ಇ ಗವರ್ನನ್ಸ್ ಸರ್ವೀಸಸ್ ಇಂಡಿಯಾದೊಂದಿಗೆ ಎನ್ಎಸ್ಐಸಿ ಒಪ್ಪಂದ

ನವದೆಹಲಿ, ಜೂನ್ 22 (ಯುಎನ್‌ಐ) ಸಾರ್ವಜನಿಕ ವಲಯದ ರಾಷ್ಟ್ರೀಯ ಸಣ್ಣ ಕೈಗಾರಿಕಾ ನಿಗಮ ಲಿಮಿಟೆಡ್ (ಎನ್‌ಎಸ್‌ಐಸಿ) ಶನಿವಾರ ಸಾಮಾನ್ಯ ಸೇವಾ ಕೇಂದ್ರಗಳ (ಸಿಎಸ್‌ಸಿ) ಇ-ಗವರ್ನನ್ಸ್ ಸರ್ವೀಸಸ್ ಇಂಡಿಯಾದೊಂದಿಗೆ ಎಂಒಎಂಇ ವಲಯಕ್ಕೆ ಹೊಸ ಕೊಡುಗೆಗಳನ್ನು ನೀಡುವ ನಿಟ್ಟಿನಲ್ಲಿ ಒಪ್ಪಂದಕ್ಕೆ ಸಹಿ ಹಾಕಿದೆ.
ಎಂಎಸ್‌ಎಂಇ ಎಎಸ್ ಮತ್ತು ಡಿಸಿ ಮತ್ತು ಎನ್‌ಎಸ್‌ಐಸಿ ಸಿಎಂಡಿ ರಾಮ್ ಮೋಹನ್ ಮಿಶ್ರಾ ಮತ್ತು ಸಿಎಸ್‌ಸಿ ಇ-ಗವರ್ನೆನ್ಸ್ ಸರ್ವೀಸಸ್ ಇಂಡಿಯಾ ಲಿಮಿಟೆಡ್ ಸಿಇಒ ಡಾ. ದಿನೇಶ್ ಕುಮಾರ್ ತ್ಯಾಗಿ ಈ ಒಪ್ಪಂದಕ್ಕೆ ಸಹಿ ಹಾಕಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಮಿಶ್ರಾ, ಈ ಒಪ್ಪಂದವು ಗ್ರಾಮ ಮಟ್ಟದ ಉದ್ಯಮಿಗಳಿಗೆ (ವಿಎಲ್‌ಇ) ಸೇವೆಗಳನ್ನು ಒದಗಿಸುವ ಬಗ್ಗೆ ವಿಶೇಷ ಗಮನ ಹರಿಸಲಿದೆ ಮತ್ತು ದೇಶಾದ್ಯಂತ ವಿಎಲ್‌ಇಗಳ ಬೆಳವಣಿಗೆಗೆ ಸಹಕಾರಿ ಎಂದು ಹೇಳಿದರು.
ಈ ಒಪ್ಪಂದವು ಸಿಎಸ್‌ಸಿಗಳಿಗೆ ತನ್ನ ಪೋರ್ಟಲ್ www.msmemart.com ಮೂಲಕ ಎನ್‌ಎಸ್‌ಐಸಿ ಸೇವೆಗಳನ್ನು ಬಳಸಿಕೊಳ್ಳಲು ಅನುವು ನೀಡಲಿದೆ ಎಂದರು.
ಯುಎನ್‌ಐ ಕೆಎಸ್‌ವಿ ವಿಎನ್‌ಎಲ್‌ 1844